POP 5

Lajmet më të lexuara të 5 minutave të fundit

Kultura

Çelet në Fier ekspozita ‘Eden’, artistja Egla Memaj sjell 30 punime në qëndistari: Tribut dedikuar kulturës etnografike shqiptare

“Eden” është ekspozita vetjake me mbi 30 punime artistike në qëndistari, dedikuar pasurisë liturgjike që artisja Egla Memaj çeli për herë të parë në Galerinë e Arteve, në Fier.

Një tribut dedikuar kulturës etnografike shqiptare, “Eden” ose Parajsa tokësore është ekspozita vetjake e artistes Egla Memaj, që u çel në Galerinë e Arteve, “Vilson Kilica” në Fier. Nëpërmjet teknikave të qëndisjes me dorë që rivlerëson pasurinë e shquar liturgjike, Memaj sjell mbi 30 punime artistike në dialog me të shkuarën ku reflektohet identiteti dhe rrugëtimi i saj artistik ndër vite.

“E gjithë ekspozita është një tribut ndaj vlerave etnografike shqiptare, thirrje për rivlerësimin e asaj pasurie të shquar liturgjike por edhe një dialog me të shkuarën. Një sallë është nga cikli religjioz, nga epitafi i Gllavenicës që është prezantuar në fakt dhe riprezantohet këtu. Salla tjetër është me modele nga natyra, ku kam përzgjedhur me shumë kujdes lulet, farat, frutat dhe pemët të cilat janë simbolike, historike dhe religjioze”, tha Egla Memaj, artiste.

Puna e saj përcjell elementë të përzgjedhur të trashëgimisë kulturore shqiptare, ku herë-herë artistja ekspozon figurën qendrore të Krishtit e herë simbolikat që e rrethojnë atë.

 “Është një gjë shpirtërore, një gjë që ti e do është identiteti yt, është tradita një gjë që nuk duhet humbur. Kjo është arsyeja kryesore pse unë e kam nisur rrugëtimin tim artistik me etnografinë që në vitet e mia studentore”, vijoi ajo.

E prezantuar me punimet e saj brenda dhe jashtë vendit “Eden” do të qëndrojë e hapur për artdashësit fierakë për dy javë në Galerinë e artit të qytetit.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51