POP 5

Lajmet më të lexuara të 5 minutave të fundit

Sociale

Çelet sezoni i llixhave në Elbasan, bie numri i vizitorëve

Në Elbasan është çelur sezoni kurativ në llixha, por ndryshe nga vitet e tjera vihet re rënia e numrit të vizitorëve krahasuar me vitet e shkuara

ELBASAN - Është çelur sezoni kurativ në llixhat termale në Elbasan. 

Pranvera dhe vjeshta janë dy sezonet kur llixhat e Treganit në Elbasan mirëpresin pacientë nga qytete të ndryshme të vendit por edhe nga rajoni, Kosova, Maqedonia e Veriut dhe Mali i Zi. Vizitorët kryesisht janë mosha e tretë, të cilët thonë se llixhat i frekuentojnë për të kuruar problemet shëndetësore. Janë të kënaqur me mikpritjen dhe çmimet e favorshme.

“Ka tre vjet që e frekuentoj, vijmë familjarisht me vëllezër dhe motra. Edhe përmirësimi duket se shëndeti nuk ndryshon me orë dhe minuta, por ne shohim, se unë jam i moshuar 75 vjeç, po shohim një qëndrim konstant. Ne paguajmë 1700 lekë në ditë për person, të reja kuptohet, por jam shumë kënaqur, shprehet qytetari”.

Biznesi i hapur rishtaz ofron një paketë të plotë shërbimesh, duke filluar nga 40 euro për dhomë, ku përfshihen ushqimi, fjetja dhe trajtimet me baltë. Pavarësisht çmimeve të lira, pronarët e bizneseve thonë se këtë sezon ka rënë numri i vizitorëve.

“Liberalizimi i vizave për shtetasit kosovarë dhe ekonomia e dobët janë dy nga faktorët që po i çojnë drejt falimentimit”,  thotë Nosti Mema, administrator.

Llixhat e Elbasanit janë një destinacion unik për turistët që kërkojnë shërbime kurative dhe relaksim në një mjedis natyror dhe pishinë të hapur termale.

Xh.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46