POP 5

Lajmet më të lexuara të 5 minutave të fundit

Celibashi raporton për vitin zgjedhor: Mazhoranca është legjitime! Struktura e Mbrojtjes së Votës në PD? S’kemi pasur asnjë raportim

Teksa prezantoi para Komisionit të Ligjeve raportin vjetor të KQZ për 2021-shin, vit që përkon me zgjedhjet parlamentare, Ilirjan Celibashi e quajti maxhorancën legjitime, duke iu referuar edhe vlerësimit të OSBE-ODIHR. Kryekomisioneri tha se KQZ nuk ka patur raportime për veprimtarinë e Strukturës së Mbrojtjes së Votës të ngritur nga PD.

Teksa prezantoi para Komisionit të Ligjeve raportin vjetor të KQZ për 2021-shin, vit që përkon me zgjedhjet parlamentare, Ilirjan Celibashi e quajti maxhorancën legjitime, duke iu referuar edhe vlerësimit të OSBE-ODIHR. Kryekomisioneri tha se KQZ nuk ka patur raportime për veprimtarinë e Strukturës së Mbrojtjes së Votës të ngritur nga PD. Mazhorancë legjitime, e quajti kryekomisioneri Ilirjan Celibashi, fituesen e dalë nga zgjedhjet e 25 prillit, teksa iu përgjigj skepticizmit të deputetëve të opozitës në Komisionin e Ligjeve.

“Mazhoranca e dalë nga këto zgjedhje dhe gjithë qeveria e dalë nga këto zgjedhja kanë të gjithë legjitimin e duhur. Natyrisht që ka edhe problematika, dhe mjaft të mprehta të cilat duhet të adresohen”, tha ai.  

Duke u ndalur te Struktura e Mbrojtjes së Votës, e ngritur nga Partia Demokratike para zgjedhjeve të 25 prillit, Ilirjan Celibashi sqaroi se KQZ nuk ka patur asnjë raportim për kontakte apo komunikim të vëzhguesve të saj me këtë strukturë, e cila vetëm 3 ditë para votimeve, prodhoi edhe një viktimë.

“Nuk kemi patur asnje lloj raportimi për kontakte nga ana e monitoruesve as kominikim me strukturën e mbrotjes së votës”, tha Komisioneri.

Por për Ilirjan Celibashin, krahas mbarëvajtjes së procesit të 25 prillit, zgjedhjet u shoqëruan me problematika të tjera, si sjellja e administratës zgjedhore dhe shkelja e udhëzimit për veprimtaritë e ndaluara, problematika që sipas tij duhen adresuar në zgjedhjet e ardhshme edhe përmes ndryshimit të kuadrit ligjor.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Korrieri shqiptar i drogës dëbohet nga Terni, 26-vjeçari vuajti 3 vite burgim! U kap me 195 pako kokainë, trafikonte mes Shqipërisë dhe Italisë

Korrieri shqiptar i drogës dëbohet nga Terni, 26-vjeçari vuajti 3 vite burgim! U kap me 195 pako kokainë, trafikonte mes Shqipërisë dhe Italisë

31 Mars, 16:03