POP 5

Lajmet më të lexuara të 5 minutave të fundit

Politikë

Çelja e negociatave për grup-kapitullin e parë, Rama: Krenari, i bindur se Shqipëria 2030 do të ngrejë flamurin e Skënderbeut e të Ismail Qemalit në Bruksel

Kryeministri e ka nisur ditën e 16 Tetorit duke e quajtur një “krenari të paharrueshme” me postimin në rrjetin social Facebook, teksa thekson se “Shqipëria u ul plot dinjitet në tryezën e bisedimeve për anëtarësim në Europën e Bashkuar”

Çelja e negociatave për grup-kapitullin e parë, Rama: Krenari, i bindur se Shqipëria 2030 do të ngrejë flamurin e Skënderbeut e të Ismail Qemalit në Bruksel

Kryeministri Edi Rama

Një ditë pasi Shqipëria çeli negociatat për grup-kapitullin e parë për negociatat me B, me konferencën ndërqeveritare të Luksemburgut, kryeministri Edi Rama e ka kujtuar me një postim aspak të zakontë.

Ai e ka nisur ditën e 16 tetorit duke e quajtur një “krenari të paharrueshme” me postimin në rrjetin social Facebook, teksa thekson se “Shqipëria u ul plot dinjitet në tryezën e bisedimeve për anëtarësim në Europën e Bashkuar”.

Ai shprehu bindjen se në fund, “Shqipëria 2030 do e ngrejë flamurin e Skënderbeut dhe Ismail Qemalit në oborrin e Brukselit në BE”.

“MIRËMËNGJES dhe me krenarinë e një dite të paharrueshme, ku Shqipëria u ul plot dinjitet në tryezën e bisedimeve për anëtarësim me Europën e Bashkuar, me të gjithë forcën e të vërtetave të arritjeve të mundimshme të këtyre viteve, të cilat morën të gjithë vlerësimin e merituar më në fund, si edhe me bindjen më të fortë se kurrë se Shqipëria 2030 do të ngrejë flamurin e Skënderbeut e të Ismail Qemalit në oborrin e Familjes së Europës së Bashkuar në Bruksel, ju uroj të gjithëve një ditë të re të gëzuar”, shkruan Rama. 

Shqipëria çeli më 15 tetor 2024 negociatat për grup-kapitullin e parë me Bashkimin Evropian. Konferenca e dytë ndërqeveritare u mbajt në Luksemburg, ku vetë përfaqësuesit e Brukselit bënë thirrje për përshpejtim të procesit. Nga ana tjetër kryeministri Edi Rama e konsideroi në ditë historike, por pa kursyer edhe këtë kritikat ndaj BE-së për zvarritjen e procesit.

Kryeministri Edi Rama gjatë çeljes së grup-kapitujve në Luksemburg

A.Q/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Po mër po: 16/10/2024 19:50

    Shqipëria pa shqiptarë në EU. Tjetër gabim historik njësoj si coptimi i shqiptarëve në disa troje.

    Përgjigju
  • Turi: 16/10/2024 19:07

    Un të them tye, ma fute. I çove Shqiptart para meje në eropë. Mosbindje civile, me mue doktor Rrumpalla në krye.

    Përgjigju
  • Pukjani: 16/10/2024 12:39

    Je shume puntor dhe shume i zgjuar zoti Rama jam i bindur qe Von Der Leyen te ka ne konsiderate te larte pa dyshim

    Përgjigju
  • Noli: 16/10/2024 08:52

    Europa nuk eshte puthje fasadash...rrugetimi i vertete eshte gje tjeter...

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

'Të gjithë le ta marrin një diplomë', Berisha kërkon t'i kthejë Universitetet 'han pa porta'

'Të gjithë le ta marrin një diplomë', Berisha kërkon t'i kthejë Universitetet 'han pa porta'

18 Dhjetor, 11:06