POP 5

Lajmet më të lexuara të 5 minutave të fundit

Politikë

Nga sot në ‘vrapin’ e fundit për një vend në BE, si nisi rrugëtimi i Shqipërisë! 15 vite nga MSA, refuzimet, sukseset dhe reformat e thella

Janë bërë plot 15 vite nga momenti kur Shqipëria dorëzoi kërkesën e saj zyrtare për t’u anëtarësuar në Bashkimin Evropian, ndërsa nga kjo e martë nis zyrtarisht procesi i negociatave. Por si arritëm deri këtu?

Rrugëtimi i Shqipërisë drejt një vendi prej të barabarti në tryezën e Bashkimit Evropian, mund të thuhet se aktin e parë ka thirrjet “E duam Shqipërinë si e gjithë Evropa” në protestat e studentëve që rrëzuan komunizmin dhjetorin e vitit 1990. Por do të duheshin të kalonin disa vite që Shqipëria mes tranzicionit, në kërkim të demokracisë, të evidentohej si një kandidate e mundshme për në Bashkimin Evropian. 

Rrugën e re, deri në atë kohë të panjohur për Shqipërinë, e hapi Samiti i Selanikut në vitin 2003, kur e ardhmja e vendeve të rajonit u projektua qartë, anëtarësimi në Bashkimin Europian.  Shqipëria do të hidhte hapa më konkretë me firmosjen e marrëveshjes së parë në Luksemburg, atë të Stabilizim Asocimit në vitin 2006, që do ta angazhonte vendin në një rrugë të gjatë reformash e përmirësimesh.

3 vite më pas, në 2009-ën, Shqipëria ende pamëkëmbur nga rënia e sistemit dhe me sytë drejt perëndimit, dorëzon kërkesën e parë zyrtare për anëtarësim në BE, por shijen e vërtetë të lirisë evropiane shqiptarët e provuan vetëm në dhjetorin e vitit 2010-tën me liberalizimin e vizave.

Shqipëria duhej t’i nënshtrohej një sërë reformash në gjyqësor e administratë publike si dhe të rishikonte rregulloren e procedurave parlamentare, për të fituar zyrtarisht statusin e vendit kandidat, që e mori 5 vite pas aplikimit, në qershor të 2014-ës.  

Reforma në drejtësi e cila solli një drejtësi të re si kërkesë e komunitetit ndërkombëtar, reformë e thellë e paprecedentë në asnjë nga vendet e tjera, shënoi një hap shumë të madh të vendit në plotësimin e detyrimeve të Brukselit për shtet ligjor dhe luftë ndaj pandëshkueshmërisë.

Por hapja e negociatave të anëtarësimit për Shqipërinë do të ishte sërish kalvar, mes tre refuzimeve të njëpasnjëshme nga liderët e vendeve të BE-së në Këshillin Evropian, pavarësisht rekomandimeve nga Komisioni se Shqipëria ishte gati.

Drafti i kuadrit negociator iu prezantua shteteve anëtare në vitin 2020, dhe vetëm në 2022-shin, për Shqipërinë pati dritë jeshile, ulja në konferencën e parë ndërqeveritare me Bashkimin Evropian më 19 korrik të këtij viti.

Tryeza e parë mes Shqipërisë dhe Bashkimit Evropian do të përcaktonte kuadrin negociator dhe do linte detyrat për një analizë të hollësishme të legjislacionit shqiptar, i cili duhet përshtatur e përafruar me atë të Evropian.

Tashmë që Shqipëria edhe nga Brukseli zyrtar konsiderohet se i ka përmbushur një pjesë të mirë të reformave e ka bërë progres të dukshëm, ulet në tryezën e dytë ndërqeveritare, në atë të 15 tetorit 2024, që i hap rrugë diskutimeve të kapitujve themelorë si drejtësia, gjyqësori, funksionimi i institucioneve demokratike, prokurimi publik, si dhe reforma e administratës publike.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Kosova bëhet me Muze të Gjenocidit dhe Përpjekjes për Liri

Kosova bëhet me Muze të Gjenocidit dhe Përpjekjes për Liri

18 Dhjetor, 13:36