Çështja Navalny-Detaje të reja/ Kundërshtari i Kremlinit është helmuar në dhomën e hotelit, jo në aeroport

Kundërshtari i Kremlinit, opozitari rus Alexei Navalny është helmuar me një shishe ujë në dhomën e tij të hotelit në qytetin siberian Tomsk dhe jo në aeroport siç mendohej më parë.

Kështu kanë deklaruar disa anëtarë të stafit të tij përmes një postimi në Instagram.

Aleksei Navalny u sëmur rëndë teksa po udhëtonte me avion nga Siberia për në Moskë muajin e kaluar dhe më pas u dërgua në Berlin për trajtim mjekësor. Gjermania pretendon se ai u helmua nga agjenti Novichok por Rusia deklaroi se nuk ka parë prova që ai të ishte helmuar.

Aktivistët e lëvizjes opozitare që drejton Navalny thanë se ndërsa ata kishin kontrolluar dhomën e hotelit ku kishte qëndruar Navalny, kishin gjetur provat e helmimit te një shishe uji mineral.

Të mërkurën, Britania e Madhe tha se ishte pothuajse e sigurt që shërbimet e inteligjencës ruse ishin përgjegjëse për sulmin ndaj Navalny dhe se Rusia duhet të përgjigjet pasi përdorimi i një arme kimike është i papranueshëm.

Më 2 shtator, Angela Merkel, në lidhje me agjentin nervor të zbuluar nga testi i mjekëve gjermanë, deklaroi se "Përdorimi i këtij helmi nuk lë dyshim se" kundërshtari i Putinit "ishte viktima të një krimi ”.

  • Sondazhi i ditës:

    Turizmi/A jeni të kënaqur me shërbimet dhe çmimet që gjeni në zonat turistike?

Komento


×

Lajmi i fundit

John

Të shtëna me armë zjarri në Shkodër, plagoset një 50-vjeçar! Rezulton person i shpallur në kërkim