POP 5

Lajmet më të lexuara të 5 minutave të fundit

Politikë

Çështjet Europiane/ Xhixho: Po prodhojmë analfabetë funksionalë, pensionistët po trajtohen me thërrime, fondet e BE-së po vidhen, asnjë mbështetje për fermerët

Çështjet Europiane/ Xhixho: Po prodhojmë analfabetë funksionalë, pensionistët po trajtohen me thërrime, fondet e BE-së po vidhen, asnjë mbështetje për fermerët

Moment nga mbledhja e Komisionit të Çështjeve Europiane

Deputetja e Partisë së Lirisë, Erisa Xhixho, u tregua kritike ndaj buxhetit të vitit 2025 në Komisionin e Çështjeve Europiane, duke vënë në dukje se këto financa nuk ndihmojnë aspak shumë prej fushave ku edhe BE ka dhënë rekomandime, si ajo në Arsim, Bujqësi, por edhe të rrogat dhe pensionet.

Deputetja akuzoi se aktualisht reforma në arsim ka dështuar.

“Ne prodhojmë analfabetë funksionalë, ndërkohë që duhet të formojmë arsim profesional edhe në kuadër të dixhitalizimit. Sot që flasim ka 1 kompjuter për 20 nxënës, vetëm 50% e shkollave janë mbuluar me wi-fi. Nuk kemi studentë që ndjekin shkencat, sepse s’ka as mësues, s’ka motivim pagash dhe mundësish. Dhe jemi në situata me 7, 8, 5 studentë në Matematikë, Fizike, apo shkenca të tjera. 230 mijë nxënës që kanë braktisur shkollën dhe universitetet që nisën me gjysmën e kapaciteteve. Këto shifra hedhin poshtë gjithë propagandën se po investohet në arsim dhe po reformohet”, tha Xhixho.

Më tej ajo ktheu vëmendjen edhe nga mosha e tretë, pensionistët, duke u shprehur se ata “po keqtrajtohen financiarisht”.

“Ky buxhet s’ka asnjë vëmendje për pensionistët, trajtohen me thërrime, po talleni me ta. 500 mijë pensionistë që po trajtohen vetëm me 16 mln euro, po vuajnë varfërinë. Pensionistët po keqtrajtohen financiarisht. Kosova me buxhet shumë të ulët se Shqipëria, ofron rritje pensionesh për këtë shtresë më shumë se Shqipëria, pa e krahasuar me vendet e tjera të rajonit.

Nuk ka rritje pagash, s’ka mbështetje për shtresat në nevojë ky buxhet, s’ka mbështetje për fermerët, edhe pse ofrojnë 20 përqind të prodhimit bruto. Vidhen fondet e shqiptarëve dhe taksapaguesve, si dhe ato të Bashkimit Europian”, tha deputetja ndër të tjera.


Lajmi kryesor:

Çështjeve Europiane/ Kryenegociatorja Dhuka: Plan për realizimin e grup-kapitujve dhe Drejtësinë, 7 mld për kompensimin e ish-pronarëve! Tabaku: Buxheti s'ka asnjë ndryshim!
A.Q/Shqiptarja.com
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Fitoi me nokaut në raundin e parë në UFC, boksieri shqiptar i vendos plisin Joe Rogan-it dhe i drejtohet publikut në gjuhën amtare

Fitoi me nokaut në raundin e parë në UFC, boksieri shqiptar i vendos plisin Joe Rogan-it dhe i drejtohet publikut në gjuhën amtare

17 Nëntor, 22:00