Çfarë do të dijë bota nga Google?Ja
pyetja më e shpeshtë e shqiptarëve

Si çdo vit gjiganti i motorit të kërkimit Google ka sjellë një analizë të detajuar për fjalët që kuriozojnë më tepër njerëzit në çdo shtet.

Pyetjet më të shumta që bëhen në secilin vend janë konfiguruar nëpërmjet hartave të kontinenteve.
 
Ajo që bie në sy nga vëzhgimi i këtyre hartave është se vendi ynë më shumë se për asgjë tjetër pyet për ndërhyrjet kirurgjikale. Shqiptarët duan të dinë nga Google se sa kushton të bësh operacion hundën apo edhe detaje të tjera rreth kësaj.
 
Në Amerikën e Veriut njerëzit interesohen kryesisht për shëndetin dhe mënyrën e jetesës ndërsa të tjerë preferojnë të sigurojnë informacione që lidhen më financat apo shit-blerjet e pronave.
 
Në Amerikën e Jugut gjërat janë më ndryshe. Prostitutat, çmimi i naftës, ushqimet dhe pijet janë fjalët më të kërkuara. Ndërsa Argjentina preferon veçanërisht të ketë përgjigje mbi birrën.

Ndërsa fjalët më të kërkuara në Google në kontinentin afrikan janë: Naftë, skllav, deve, lopë dhe safari.





Redaksia Online
Al.N/Shqiptarja.com

TAG:
• nafte