‘Çfarë përçmimi nga qeveria’, Malaj: Njerëzit e thjesht po vdesin nga COVID-19, skamja, pasiguria, kemi prekur fundin! Sa borxhe i kemi brezit të tretë

Ish-deputetja Nora Malaj përmes një postimi në rrjetin e saj social Facebook ka shprehur mendimin e saj lidhur me situatën që po jetojmë, duke i vënë theksin brezit të tretë.

Ajo mes rreshtave shpreh mallin për ata që kanë ikur, frikën për të tashmen dhe pasigurinë për të ardhmen. Por sipas saj trishtimi më i madh është zhgënjimi nga një Shqipëri e mbytur nga shiu, e zhytur në baltë, e trishtuar dhe e lënduar në shpirt.

Malaj në postim shton se qytetarët e thjesht të këtij vendi po vdesin nga COVID-19, nga skamja, nga pasiguria, nga pabarazia dhe nga makutëria e atyre që i grabisin çdo ditë, orë e minutë gjithçka kanë edhe dekikat e fundit të jetës, ndërkohë qeveria është përçmuese ndaj kësaj situate.

“Brezi më i mirë po vdes,

Ai brez që pa nevojën e studimeve, rriti fëmijët e saj.

Ai brez që pa burime ekonomike i ndihmoi ata fëmijë gjatë krizave të ndryshme.

Po vdesin ato që kanë vuajtur më shumë, ato që kanë punuar si "kafshë".

Po vdesin ato që kanë kaluar kaq shumë vështirësi në këtë jetë, ato që ndërtuan vendin, ato që tani dëshironin vetëm të kënaqeshin me nipërit dhe mbesat.

Ato po vdesin të vetmuar dhe të frikësuar.

Ato po largohen pa shqetësuar askënd.

Ato, po largohen pa një lamtumirë.”, shkruan Malaj.

J.GJ./Shqiptarja.com

TAG:
• shqiperia
• nora malaj
• Te moshuarit
• Koronavirus