Champions League/ Barcelona rrezikon kualifikimin për herë të parë pas 21 vitesh, United ia del! Chelsea 'shkatërron' Juventusin

Pas 21 vitesh Barcelona rrezikon seriozisht të mbyllë aventurën në Champiopns League në fazën e grupeve. Kjo për shkak se katalanasit nuk kanë shkuar më shumë se një barazim 0-0 kundër Benfica-s në xhiron e pestë. Edhe pse katalanasit kanë dy pikë më shumë se Benfica e vendit të tretë në ndeshjen e fundit udhëtojnë në Gjermani për t’u përballur me Bayern-in, ndërsa portugezët presin Dinamon e Kiev. Nëse Benfica fiton atëherë Barcelonës nuk i bën punë as barazimi me Bayern Mynchen. Këta të fundit fituan 1-2 sfidën e pestë në grupe kundër Dinamo Kiev.

Ndërkohë Manchester United ka marrë një fitore të vyer kundër Villareal me rezultatin 0-2. Në Spanjë ndeshja ishte shumë e komplikuar pasi u zgjidh vetëm në minutën e 78 nga Cristiano Ronaldo, ndërsa Sancho vulosi shifrat përfundimtare. Kjo fitore e kualifikon United në turin tjetër. Në sfidën tjetër të grupit F Atalanta shpërdoroi mundësinë e artë për vendin e dytë. Italianët barazuan 3-3 kundër Young Boys, me të dy skuadrat që mbesin në kuotën e 6 pikëve dhe në garë për t’u kualifikuar në ndeshjen e fundit.

Sakaq supersfida e mbrëmjes mes Chelsea-s dhe Juventus është mbyllur 4-0 në favor të kampionëve në fuqi të Europës. Londinezët u hakmorrën edhe për humbjen në ndeshjen e parë, ndërsa me këtë fitore marrin kreun e grupit me 12 pikë, po aq sa Juventus. Malmo-Zenit ndërkohë u mbyll 1-1.

Në grupin G Sevillia është kthyer në garë për kualifikim pasi mposhti 2-0 Ëolsburg, ndërsa edhe Lille ia doli 1-0 kundër Salzburg.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet