POP 5

Lajmet më të lexuara të 5 minutave të fundit

Sport

Champions League/ Barcelona vulos sonte fatin e grupeve, M.United i detyruar t'ia dalë kundër Villareal! Në Londër supersfida Chelsea-Juventus

E marta rikthen emocionet e Champions League, me Barcelonën, Manchester United dhe Atalantën që duhet të fitojnë me patjetër për të hedhur një hap të sigurtë për kalimin e grupeve. Ndërkohë supersfida e mbrëmjes do jetë mes Chelsea dhe Juventus.

Champions League rikthehet sonte me xhiron e pestë të fazës së grupeve që rezulton të jetë mëse vendimtare për disa skuadra me emër në Europë. Ndër të parat është Barcelona që në Camp Nou pret Benfica-n ne misionin e vetëm fitoren. Kjo jo vetëm për hakmarrjen e humbjes në ndeshjen e parë, por edhe për faktin se katalanasve të Xavi Hernandes i duhen 3 pikët për të siguruar vendin e dytë. Në të kundërt përballja e fundit në grup me Bayern rrezikon të kthehet në ferr pasi Barcelona ka 6 pikë, 2 më shumë se Benfica. Përballja tjetër e grupit E mbrëmjen e sotme është mes Dinamo Kiev dhe Bayern-it të kualifikuar.

Tejet interesante është situata edhe në grupin F ku Manchester United që udhëheq me 7 pikë po aq sa Villareal do përballen sonte në Spanjë. ‘Djajtë’ e Cerrik vijnë pak ditë pas shkarkimit të Solskjaer dhe situata nuk është aspak e mirë, sidomos edhe për faktin se nuk kanë asgjë të sigurtë. Më intrigues këtë grup e bën edhe përballja tjetër mes Young Boys dhe Atalanta-s. Fitorja e çdo skuadre në këtë ndeshje do t’i vinte seriozisht në pikëpyetje si Villareal ashtu edhe Manchester United. Për Atalantën e Gasperinit, ku pritet të luajë titullarë edhe Gjimshiti, sonte është një mundësi e artë për të kapur të paktën vendin e dytë.

Supersfida e mbrëmjes padiskutim është në grupin H ku Chelsea kampion në fuqi i Europës pret Juventusin. Kjo e fundit është me pikë të plota dhe e kualifikuar, ndërsa sonte përballen për vendin e parë. Sakaq Chelsea kërkon edhe hakmarrjen për humbjen 1-0 në ndeshjen e parë në Torino. Ndeshja tjetër e këtij grupi është mes Malmos dhe Zenitit.

Në grupin G Salzburgu luan në transfertën e Lille, ndërsa Sevillia ka mundësinë e fundit për të shpresuar, pasi përballet me Salzburg.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Largohen protestuesit e pakët, lirohet qarkullimi te Zogu i Zi

Largohen protestuesit e pakët, lirohet qarkullimi te Zogu i Zi

23 Dhjetor, 19:58