Champions League nisi këtë të martë me formatin e ri që përfshin 36 skuadra dhe një renditje të përgjithshme në bazë të pikëve të grumbulluara. Duke filluar nga ora 18:45 u zhvilluan dy takime. Në Torino, Juventus mposhti 3-1 PSV-në, ndërsa Aston Villa fitoi 0-3 kundër Young Boys.
Në "Allianz Stadium", Juventus fitoi 3-1 kundër PSV-së në ndeshjen e parë të Champions League. U deshën 21 minuta për golin e parë të formatit të ri, me Kenan Yildiz që zhbllokoi shifrat me një supergol në stilin alla "Del Piero". Më pas "Zonja" shënoi sërish me McKennie, para se Nico Gonzales të "vuloste" tri pikët me golin e tretë në minutën e 52-të. Në shtesë miqtë shënuan me Saibari sa për statistika. Tri pikë për Juven dhe një debutim pozitiv për Mottan në Ligën e Kampionëve si trajner.
Në Bern të Zvicrës, Young Boys u mposhtën 0-3 nga Aston Villa. Tielemans në minutën e 27-të, Ramsey në të 38 dhe Onana në fundin e ndeshjes i dhanë tri pikë në udhëtim djemve të Unai Emery.
Po sot luhen edhe katër takime të tjera, ku spikasin Milan - Liverpool, Bayern Munich - Dinamo Zagreb, Real Madrid - Stuttgart.
Champions League, raundi 1:
E martë, 17 shtator 2024
18:45
Juventus 3-1 PSV
Young Boys 0-3 Aston Villa
21:00
Milan - Liverpool
Bayern Munich - Dinamo Zagreb
Real Madrid - Stuttgart
Sporting Lisbone - Lille
Renditja:
Juventusi fitoi 3-1 kundër PSV-së në Torino. Dueli vlente për raundin e parë të Champions League në formatin e ri me 36 skuadra dhe një renditje të përgjithshme.
U deshën 21 minuta lojë që të shënohej goli i parë dhe për këtë mendoi turku i Juventusit, Kenan Yildiz.
I riu turk mori topin nga Nico Gonzalez, më pas kaloi nga e majta në këmbën e djathtë dhe goditi në mënyrë fantastike duke qëlluar shtyllën dhe pastaj topi përfundoi në rrjetë, për një gol fantastik.
Kenan Yildiz, në moshën 19 vjeç e 136 ditë shënoi golin që i dha Juventusit epërsinë ndaj PSV-së, duke thyer rekordin e Alessandro Del Piero, i cili shënoi golin e tij të parë në Champions League në moshën 20 vjeç e 308 ditë.