Champions League zhvilloi këtë të martë nëntë nga ndeshjet e raundit të dytë me formatin e ri. Në sy ra humbja e Milanit në Gjermani kundër Leverkusen, me kuqezinjtë që komplikojnë pozitat për shkak se kanë dy humbje. Tri pikë për Arsenalin, Barcelonën, Dortmundin, Interin dhe Manchester Cityn.

Në ‘Emirates’, Arsenali mposhti 2-0 PSG-në. Havertz dhe Saka shënuan në pjesën e parë, ndërsa francezët nuk patën shanse për përmbysjen. Në stol për ‘Topçinjtë’ qëndroi Maldin Kaçurri.

Barcelona shijoi suksesin e parë këtë sezon të CHL duke mundur 5-0 Young Boys. Lewandowski (2x), Raphinha, Martinez dhe autogoli i Camara i dhanë tri pikë djemve të Hansi Flick.

Në ‘BayArena’, Bayer Leverkusen fitoi 1-0 kundër Milanit. Boniface në minutën e 51 vendosi përballjen, duke futur Milanin në një pozitë të pafavorshme pasi kanë dy humbje në kaq ndeshje.

Dortmund u tregua ‘pa mëshirë’ kundër Celtic duke fituar 7-1. Can, Adeyemi me tripletë, Guirassy me dopietë dhe Nmecha vulosën gjithçka. Golin e barazimit të përkohshëm 1-1 për Celtic e shënoi Maeda.

Në ‘Meazza’ Interi fitoi 4-0 kundër serbëve të Crvena zvedas. Calhanoglu, Arnautovic, Lautaro dhe Taremi shënuan për italianët.

Në Bratislavë vendasit e Slovan ishin të pafuqishëm dhe humbën 0-4 kundër Manchester Cityt. Gundogan, Foden, Haaland dhe McAtee shënuan për miqtë.

Tri pikë edhe për Brest që ka gjashtë pikë, ndërsa Sparta Praga e shqiptarëve barazoi 1-1 kundër Stuttgart. Edhe në Eindhoven 1-1 mes PSV dhe Sporting. Nesër luhen nëntë ndeshjet e radhës.

Champions League, raundi 2:

18:45

Salzburg 0-4 Brest

Stuttgart 1-1 Sparta Praga

21:00

Arsenal 2-0 PSG

Barcelona 5-0 Young Boys

Bayer Leverkusen 1-0 Milan

Dortmund 7-1 Celtic

Inter 4-0 Crvena zvezda

PSV 1-1 Sporting Lisbone

Slovan Bratislava 0-4 Manchester City

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera