Champions League ka zhvilluar nëntë ndeshjet e para për raundin e tretë. Këtë të martë në 18:45 Milani fitoi 3-1 kundër Club Brugge, ndërsa Monaco nuk u kursye duke mposhtur 5-1 serbët e Crvena zvezdas.
Në 21:00 spektakli vijoi në ‘Bernabeu’, ku Real Madrid përmbysi 5-2 Dortmundin edhe falë tripletës së Vinicius. Juventus u mposht 0-1 në shtëpi nga Stuttgart, teksa Arsenal siguroi tri pikë falë një goli. Suksesi i tretë për Aston Villan, që merr kreun e renditjes. Tri pikë edhe për Gironan dhe Sportingun, ndërsa barazim në Paris.
Në ‘San Siro’ Milani fitoi për herë të parë këtë edicion të ri në Champions League. Pas humbjeve kundër Liverpool dhe Leverkusen, djemtë e Fonsecas u imponuan 3-1 kundër belgëve të Club Bruggëe. Pulisic në minutën e 34 zhbllokoi ndeshjen për kuqezinjtë, ndërsa miqtë u ndëshkuan me karton të kuq (Onyedika). Sabbe në minutën e 51 barazoi ndeshjen, ndërsa duhej dopieta e Reijnders që Milani të siguronte tri pikët e para.
Spektakël në ‘Bernabeu’, aty ku Real Madrid përmbysi 5-2 Dortmundin. Gjermanët nuk ‘morën dot hak’ për humbjen në finalen e sezonit të kaluar. Ishte Dortmund që shënoi dy gola në pjesën e parë me Malen dhe Gittens. Fraksioni i dytë solli pesë golat e madrilenëve me Rudiger, Vinicius (tre gola) dhe Lucas.
Në Torino, Juventusi humbi 0-1 nga Stuttgart në një ndeshje që për bardhezinjtë duhet të harrohet. Një gol i anulluar, penallti e humbur dhe shumë raste për gjermanët. Duhej minuta 90+3 që Toure i futur nga stoli të shënonte për Stuttgart, duke i sjellë Juves humbjen e parë sezonale.
Në Principatë, Monaco fitoi 5-1 kundër Crvena zvezdas. Minamino me dopietë, Embolo, Singo dhe Akliouche shënuan për francezët. Në Londër, Arsenali fitoi 1-0 kundër Shakhtar me autogolin e portierit Riznyk.
Ndërkohë Aston Villa ka siguruar fitoren e tretë në kaq duele. Anglezët shënuan me McGinn dhe Duran për të mundur 2-0 Bolognan.
Për t’u theksuar se të mërkurën luhen nëntë ndeshjet e radhës për turin e tretë.
Champions League, raundi i tretë - E martë, 22.10.2024
18:45
Milan 3-1 Club Brugge
Monaco 5-1 Crvena zvezda
21:00
Arsenal 1-0 Shakhtar Donetsk
Aston Villa 2-0 Bologna
Girona 2-0 Slovan Bratislava
Juventus 0-1 Stuttgart
PSG 1-1 PSV
Real Madrid 5-2 Dortmund
Sturm Graz 0-2 Sporting
Renditja:
Milani fitoi 3-1 kundër Club Brugge në ndeshjet e treta në Champions League. Në këtë sfidë për kuqezinjtë 15 minuta në fundin e saj debutoi edhe Francesco Camarda. Në moshën 16 vjec e 226 ditë, ai bëhet italiani më i ri që luan në Champions League.
16-vjeçari Francesco Camarda mendoi se u bë edhe golashënuesi më i ri ndonjëherë në Ligën e Kampionëve në debutimin e tij me Milanin. Goli i tij në minutën e 87 u anulua për pozicion jashtë loje, me djaloshin që u ndëshkua me karton të verdhë për heqjen e fanelës.
Lajme të tjera
-
Shtohen telashet te Arsenal, Mikel Arteta: Saka mungon gjatë
24 Dhjetor, 13:08 -
Ardian Ismajli refuzon rinovimin, Napoli e merr në janar! Empoli gjen zëvendësuesin
23 Dhjetor, 12:38 -
GOLAT/ Shkëlqen Mbappe, Real Madrid fiton 4-2 kundër Sevillas dhe lë Barçën në vendin e tretë
22 Dhjetor, 18:23 -
GOLAT/ Atalanta përmbys 3-2 Empolin dhe merr kreun e Serie A! Dybala magjik, Roma i shënon pesë herë Parmës! Juventusi rikthehet të fitojë
22 Dhjetor, 16:12 -
GOLAT/ Aston Villa tërbon 2-1 Manchester Cityn, Guardiola s'u beson syve! Arsenali fiton me 'manita' kundër Palace
21 Dhjetor, 16:09 -
Juventusi pas Tonalit, Newcastle reziston! Shifrat dhe skenari i marrëveshjes
20 Dhjetor, 15:49 -
'Verona fatale', Fonseca pranë shkarkimit! Milan mendon për dashurinë e vjetër
20 Dhjetor, 15:25 -
U mbajt pas 20 vitesh, Reali fiton Kupën Interkontinentale dhe fut në histori Ancelotti-n dhe Luca Modric (VIDEO)
19 Dhjetor, 12:25 -
Kupa e Ligës, Liverpool e Arsenal në gjysmëfinale! Atalanta dhe Roma goleadë në Itali (VIDEO)
19 Dhjetor, 10:51 -
Juventus rigjen shkëlqimin, Koopmeiners dhe Gonzales supergola! Sonte dy sfida për 1/8 e Kupës (VIDEO)
18 Dhjetor, 12:19 -
Në burg prej 2021 për trafik droge, rëndohen akuzat për kapon e ultrasve të Milanit! Sky ECC nxjerr bashkëpunëtorin e tij të ngushtë shqiptar (EMRI)
17 Dhjetor, 16:47 -
Theo në qendër të kritikave, agjenti: Qëndron te Milani, flasim për rinovimin
16 Dhjetor, 20:00
