POP 5

Lajmet më të lexuara të 5 minutave të fundit

Champions League/ Shpresat e Barcelonës diskutohen në Ukrainë, Juve dhe Bayern një pikë larg kualifikimet! Sonte spikat Atalanta-Man.Utd

Championsi i Barcelonës varet nga transferta ukrainase e Dinamo Kiev. Katalanasit duhet të fitojnë sonte me patjetër në xhiron e katërt të fazëve së grupeve, ndërkohë që Juventus dhe Bayern janë 1 pikë larg sigurimit të fazës me eliminim direkt. Ndër përballjet që spikat është edhe ajo mes Atalantës dhe Manchester United.

Sot nis xhiro e katërt e fazës së grupeve të Champions League, që rezervon përballje vendimtare siç është edhe ajo mes Dynamo Kiev dhe Barcelonës. Katalanasit kanë vetëm 3 pikë në grupin E dhe kundër ukrainasve në tranfertë vlen vetëm fitorja në rast se duan të kalojnë në fazën tjetër. Trajneri Sergi, i ardhur nga Barcelona B, do të ketë sonte të padisponueshëm Aguerron, Braithëaite, Pedrin dhe Pique, ndërsa ndeshja tjetër e këtij grupi do diskutohet mes Bayern Mynih dhe Benfica-s. Për gjermanët në rast se sonte sigurohet qoftë edhe një pikë do të sigurojnë matematikisht kalimin për në fazën tjetër.

Në pozitat e Bayern-it është edhe Juventus në grupin H. Në rast se bardhezinjtë, që vijnë pas 2 humbjeve në Seria A, marrin një pikë kundër rusëve në Torino atëherë janë automatikisht në turin tjetër. Chelsea ndërkohë, që është po pjesë e këtij grupi, duket se do të ketë një tarnsfertë të lehtë, të paktën në letër, kundër Malmos në Suedi.

Sakaq me shumë interes pritet përballja e grupit F mes Atalantës dhe Manchester United. Në rast disfate në Itali fija e perit që mban Solskajer në pankinë me shumë mundësi do të këputet. Në kampin tjetër, te Atalanta, shpresojnë që të përfundojnë atë që nisën dy javë më parë në ‘Old Traford’ pavarësisht se në fund u mposhtën 3-2. Për secilën skuadër fitorja do të thoshte shumë për kalimin e grupit, ndërsa përballja tjetër është mes Villareal dhe Young Boys. Spanjollët kërkojnë ta shohin veten në pozita të favorshme dhe për këtë nevojitet vetëm fitorja.

Në Grupin G Salzburgu kryesues udhëton në transfertë për t’u përballur me Wolsburg, ndërsa Sevillia pret Lillën në shtëpi.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Reforma territoriale, mendoni se ndarja aktuale në 61 bashki është në rregull?

Lajme të tjera



×

Lajmi i fundit

John

Einxhel Shkira shtatzënë? Tregon testin pozitiv

6 Korrik, 20:48