POP 5

Lajmet më të lexuara të 5 minutave të fundit

Kultura

Ciceron, aktivitetet e kulturës që mund të ndiqni sot

Art, kulturë dhe spektakël, në vijim, rubrika “Ciceron”, ju njeh me ngjarjet që mund të ndiqni gjatë ditës.

Nxënësit e gjimnazit  Petro Nini Luarasi mbajnë sot në orën 18.00 në “Opera” shfaqjen klasiko-kontemporane “Up fest” .

Humor e situata të rrëfyera në çift, vijon deri të dielën  në orën 19.00 në skenën e Teatrit Kombëtar  shfaqja “Shtëpiakë të dëshpëruar” me Artan Imamin në rol të dyfishtë si aktor e regjisor, si dhe interpretim të Indrit Çobanit e Gentian Zenelajt.

17 skulptura të Antonio Canovas, një prej skulptorëve më të mëdhenj të neoklasicizmit evropian vijnë në 51 shkrepje të Mimmo Jodice në ekspozitën “Bukuri e përjetshme” të çelur në Muzeun Historik.

“Piccolo mare”, një ekspozitë e veçantë, me krijimtarinë më të mirë të studentëve italianë e atyre vendas, pret vizitorët deri në 14 shkurt në galeritë  “Harabel” dhe “Fab”.

Të rinj të arteve pamore, bashkojnë Shqipërinë e Kosovën me krijimtarinë e tyre. Një larmishmëri zhanresh e teknikash ku celebrohet tradita e bashkëkohorja, ftojnë vizitorët deri në në 12 shkurt në Galerinë e Artit Tiranë në ekspozitën “My space”,

Një rrëfim i sinqërtë e me një galeri personazhesh real, ku vendos veten në qendër, Ardian Cerga, promovon sot në orën 18.00 në Bibliotekën e Durrësit librin e tij, “Kohë dashurish të harruara”.

Me një kast të përzgjedhur aktorësh Naun Shundi vendos nga nesër, deri të dielën, në skenën e Teatrit Eksperimental shfaqjen “Osman Taka” me autor Arben Iliazin.

Shfaqet nesër në orën 18.00 në teatrin “Skampa” në Elbasan shfaqja “Gjaku i martirëve të kombit” me regji të Bajram Torbës.

Shfaqja ‘Profesionisti’ me regji të Leka Bungos e pjesëmarrje të Viktor Zhustit, zhvendoset nga nesër në orën 19.00 në teatrin ‘Andon Zako Çajupi’ në Korçë.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Aksident i trefishtë në aksin Lezhë-Laç, raportohet për tre të plagosur! Makinat bëhen copash

Aksident i trefishtë në aksin Lezhë-Laç, raportohet për tre të plagosur! Makinat bëhen copash

27 Dhjetor, 18:43