POP 5

Lajmet më të lexuara të 5 minutave të fundit

Kultura

‘Ciceron’/ Kultura në një ‘klik’: Rona Nishliu në Tiranë, mban koncert në Teatrin Operas! Në Korçë ‘Grinçi vjedh Krishtlindjet’! Emigrimi në postera tek GAT

Art, kulturë dhe spektakël, në vijim, rubrika “Ciceron”, ju njeh me aktivitetet që mund të ndiqni sot në Tiranë dhe disa qytete të vendit.

Rona Nishliu rikthehet në Tiranë! Mban sot në orën 20.30 në skenën e Teatrit të Operas dhe Baletit një koncert ku shoqërohet nga “The new Orchestra”, nën dirigjimin e Edon Ramadanit.

Ekspozita retrospektivë “Të prekësh të padukshmen” e artistit Bujar Luca pret vizitorët deri në 30 dhjetor në Qendrën për Hapje dhe Dialog në Kryeministri.

Përcjellja e dijeve brez pas brezi, si element themelor i njerëzimit, ekspozita “Vazhdë” me 8 artistë të afirmuar dhe të rinj pret vizitorët deri në 14 dhjetor në hapësirën e artit “Bazament” në Tiranë.

Ekspozita “Festivali Ndërkombëtar i Posterit Prishtinë” , në këtë edicion të tretë qëndron e çelur në Galerinë e Artit Tiranë deri në 13 dhjetor me punime që kanë në fokus temën e emigracionit.

Vijon e hapur deri në 7 janar në Galerinë e Artit Sarandë, ekspozita lëvizëse e Galerisë Kombëtare të Arteve  "Paskali, artistët e Jonit dhe mureve të gurta", e kuruar nga Suzana Varvarica.

Për vogëlushë e familjarë, shfaqja “Grinçi vjedh Krishtlindjet” jetësohet në skenën e teatrit “Andon Zako Çajupi” në Korçë nga sot në orën 18.00 deri në 7 dhjetor.

“Letërsia feministe” bëhet objekt diskutimi sot në orën 12.00 në bibliotekën “Marin Barleti” në Shkodër. Mes të ftuarve edhe poetet Rita Petro e Ledia Dushi, studiuese dhe shkrimtare, letërsia e të cilave në shumë raste bëhet mjet komunikimi për të drejtat e vajzave dhe grave.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01