Toni Milaqi në Galerinë e Arteve Tiranë! ‘Valë e re’, emigracioni i parë nga Elton Baxhaku! ‘Kërcimi i dashurisë’ në Bylis! Olsten Gripshi me monografi për Fatbardh Markun

Çelet këtë mbrëmje në orën 18.00 në Galerinë e Artit Tiranë ekspozita personale “Introspeksion – Arsye për të qenë stoik përballë dhunës” nga artisti i ri Toni Milaqi.

Vijon sot e nesër në orën 20.00 në skenën e Teatrit Eksperimental  shfaqja “Elektra” e Sofokliut me regji të Kiço Londos.

Organizohet sot në orën 18.00 në Bibliotekën e Institutit Italian të Kulturës një takim me autorin Gianni Palagonia për prezantimin e librit “Shqiponja dhe Oktapodi” të përkthyer nga Ajsela Koka.

Një dokumentar që hulumton shkaqet që po shtyjnë shqiptarët drejt emigracionit, shfaqet sot në orën 18.00 në qendrën e artit “Agimi” premiera e filmit “Vala e re”  me regji të Elton Baxhakut.

Ekspozita fotografike “Vizitë e vonuar” e artistit Shpëtim Kërçova me imazhe bardhë e zi të prodhuara në Romën e ’41-shit, pret vizitorët deri në 1 mars në galerinë “Bazament art space” në Tiranë.

Driada Dervishi vendos sot dhe nesër në orën 19.00 në skenën e teatrit “Andon Zako Çajupi” në Korçë shfaqjen “7 minuta” me pjesëmarrjen e veçantë të Yllka Mujos, Luiza Xhuvanit dhe aktoret më të mira të artit skenik vendas.

Prezantohet sot në orën 18.00 në bibliotekën e qendrës kulturore “Aleksandër Moisiu” në Durrës monografia “Fatbardh Marku, vizatime dhe grafika” me autor Oltsen Gripshin.

Vijon sot në orën 17.00 në teatrin “Bylis” në Fier spektakli “Kërcimi i dashurisë” , ku do të jetë e ftuar edhe këngëtarja e talentuar Inis Neziri.

Ekspozita “Muri” me punimet e 12 artistëve pamorë në zë në edicionin e saj të pestë pret vizitorët deri në 20 shkurt në galerinë e arteve “Vilson Kilica” në Fier.

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

VIDEO/ Gëzimi i deputetëve të parlamentit iranian pas sulmit drejt Izraelit

VIDEO/ Gëzimi i deputetëve të parlamentit iranian pas sulmit drejt Izraelit