“Nuk duhet leju që Ganiu të ndërpresë punën dhe të rikthehet në emigrim.” Me këtë thirrje e nis shkrimin e tij fisnik në rrjete sociale biznesmeni i njohur Altin Prenga për mbështetjen e një kolegu të tijin.

Bëhet fjalë për Gani Hajzerin dhe bashkëshorten e tij Fazile nga Kosova të cilët kanë në pronësi AgroSerrën ku mbillen lule fantastike, por që kanë vendosur t’i rikthehen emigrimit. Prenga u kërkon klientëve, miqve dhe institucioneve të Kosovës të suportojnë çiftin, ndryshe do ishte humbje për vendin tonë.

Prenga thotë se Gani Hajzeri është një njohës i mirë i biodiversitetit dhe ka ndihmuar për furnizime farash deri në Fishtë, ku Prenga ka restorantin ‘Mrizi i Zanave’. Ai bën apel që mesazhi i tij të shpërndahet tek të gjithë miqtë që janë të interesuar për lule.

“Sot kërkoj vëmendjen e gjithë miqve nga Kosova.

Miku im Gani Hajzeri dhe bashkëshortja e tij Fazile të Agroserra sapo më thanë që ndoshta në korrik do rikthehen në emigrim.

Kërkoj ndihmën tuaj!

Nuk duhet leju absolutisht që Ganiu ta ndëpresi punën.

Duhet të bëhen bashkë klientët, miqt dhe institucionet në Kosovë ta suportojnë, ndryshe do jetë humbje e madhe për të gjithë ne.

Ai është një njohës fenomenal i biodiversitetit dhe na ka ndihmuar në konsulenca dhe furnizime farash spektakolare deri ktu ne Fishte.

Ndaj ftoj bizneset dhe miqt nga Kosova të shkojnë ta vizitojn mrekullinë që ka bërë Ganiu dhe kuptoni përse nuk duhet të dorëzohet dhe tja blini cdo lule qe ka aty

Ju lus ta shperndani kete publikim dhe tja nisni miqve qe mund te jene te interesuar per lule!”- shkroi Prenga.