POP 5

Lajmet më të lexuara të 5 minutave të fundit

Sport

Cikalleshi e mbylli me Kombëtaren, FSHF: Mirënjohje, dha kontribut të madh si kuqezi

Sulmuesi kavajas u tërhoq nga kombëtarja para kampionatit Evropian dhe i uroj fat futbollistëve të cilët na përfaqësuan në Gjermani.

Cikalleshi e mbylli me Kombëtaren, FSHF: Mirënjohje, dha kontribut të madh si kuqezi

Futbollisti Sokol Cikalleshi me fanellën e kombëtares

Sokol Cikalleshi vendosi të tërhiqej nga kombëtarja shqiptare pasi trajneri Sylvinho e la jashtë Evropianit të zhvilluar në Gjermani, në një kohë kur sulmuesi kishte qenë gjatë gjithë eliminatoreve pjesë e përfaqësueses.

Diçka më shumë se 2 muaj nga ai vendim FSHF ka falenderuar futbollistin kavajas për kontributin e tij, duke evidentuar të gjithë statistikat që Cikalleshi shënoi si kuqezi.

“Sulmuesi kuqezi, Sokol Cikalleshi vendosi pak kohë më parë të tërhiqet nga Kombëtarja shqiptare pas një karriere të gjatë me Shqipërinë dhe një kontribut të madh për fanellën kuqezi ndër vite.

Cikalleshi është një nga futbollistët me më shumë prezenca në Kombëtare teksa numëron 60 ndeshje me fanellën kuqezi si edhe 13 gola të shënuar.

Gjithashtu, sulmuesi ka qenë pjesë e Shqipërisë edhe në Europianin historik “Francë 2016”, pjesëmarrja e parë e kuqezinjve në finalet e një turneu madhor. Ai debutoi me fanellën kuqezi në miqësoren Shqipëri-Rumani, të luajtur më 31 maj 2014, ndërsa paraqitja e tij e fundit me Kombëtaren ishte në miqësoren Suedi-Shqipëri të 25 marsit 2024 të luajtur në Stokholm.

Federata Shqiptare e Futbollit dëshiron të falënderojë dhe t’i shprehë mirënjohjen për kontributin e dhënë dhe djersën e derdhur në fushën e lojës me fanellën kuqezi. Një kontribut i madh dhe i jashtëzakonshëm i Sokol Cikalleshit, i cili ka qenë pjesë e rezultateve dhe arritjeve historike të Kombëtares shqiptare.

Sakaq, FSHF i uron suksese në karrierën e tij me klubin dhe sa më shumë mbarësi në të ardhmen,”-shkruan FSHF.

Vetëm pak ditë më parë Cikalleshi u largua nga kampionati turk ku aktivizohej me Konayspor dhe u transferua në kampionatin Iranian te ekipi i Tractor, që ka një stadium me kapacitet 66 mijë tifozësh.

Ne.k./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Diplomacia, a ka ndryshuar imazhi i Shqipërisë në arenën ndërkombëtare?

Lajme të tjera



×

Lajmi i fundit

Skandali me mbetjet toksike, organizata amerikane BAN: Transporti i ‘hirit helmues’ nga Durrësi, maja e një skandali më të madh! Dërgesa të kësaj natyre bëhen rregullisht

Skandali me mbetjet toksike, organizata amerikane BAN: Transporti i ‘hirit helmues’ nga Durrësi, maja e një skandali më të madh! Dërgesa të kësaj natyre bëhen rregullisht

27 Gusht, 19:13