Pamjet që vijnë nga Bucha në Ukrainë, janë prova mizore e natyrës kriminale të ushtrisë ruse! Ministrja e Jashtme, Olta Xhaçka, ka reaguar për pamjet e vrasjes së civilëve në Ukrainë nga ushtria ruse, për tmerrin që tregohet nga provat mizore të ushtrisë ruse në Ukrainë.
Xhaçka shkruan se imazhet e civilëve të vdekur, si dhe historitë e dokumentuara të përdhunimeve dhe shkatërrimeve tronditëse të qyteteve të tëra, janë padia më e qartë e natyrës së vërtetë kriminale të regjimit rus.
Ministrja shkruan më tej se Shqipëria, si anëtare e Këshillit të Sigurimit të OKB-së dhe Grupit të Miqësisë për Përgjegjshmërinë në Ukrainë, do punojë me aleatët dhe partnerët për të hetuar siç duhet këto krime.
“Të tmerruar nga provat mizore të ushtrisë ruse në Ukrainë. Imazhet e civilëve të vdekur, burra, gra dhe fëmijë, të hedhur në rrugët e qyteteve të çliruara të Ukrainës, historitë e dokumentuara të përdhunimeve dhe shkatërrimeve tronditëse të qyteteve të tëra, janë padia më e qartë e natyrës së vërtetë kriminale të regjimit rus. Bota duhet të veprojë! Si anëtare e Këshillit të Sigurimit të OKB-së dhe Grupit të Miqësisë për Përgjegjshmërinë në Ukrainë, Shqipëria do të punojë me aleatët dhe partnerët e saj në mënyrë që këto krime të evidentohen dhe hetohen siç duhet”, shkruan Xhaçka.
Për pamje tronditëse ka reaguar edhe kryeministri Edi Rama dhe Presidenti Ilir Meta, të cilët kanë kërkuar nisjen e hetimeve të pavarura në Bucha për këto krime lufte.
Masakrat ruse ndodhën në Bucha, ku njerëz të paarmatosur, civilë dhe fëmijë të vegjël janë ekzekutuar dhe janë lënë në mes të rrugëve të qytetit. Këto masakra janë dënuar nga Perëndimi, ndërsa Presidenti i Ukrainës, Zelensky e ka cilësuar gjenocid. Nga ana tjetër Moska e ka mohuar që të ketë kryer këto makara duke i cilësuar fotot të fabrikuara dhe të pavërteta.
Reagimi i ministres Xhaçka
Kryeministri Rama ka reaguar lidhur me situatën e rëndë nga masakrat në Bucha të Ukrainës.
Rama shkruan në Tëitter se imazhet e tmerrshme janë tronditëse, duke shtuar më tej se duhet bërë një hetim i pavarur për krime të tilla.
"Imazhet e tmerrshme të civilëve të vrarë në #Bucha Massacre , #Ukrainë , nga ushtria #ruse janë tronditëse. Duhet bërë gjithçka për një hetim të pavarur të krimeve të tilla të tmerrshme. Asgjë nuk mund të justifikojë një mizori të tillë. Sa dhimbje dhe sa turp", shkruan Rama në Twitter.
Presidenti Ilir Meta ka reaguar për sulmet e rënda ndaj civilëve në Bucha te Ukrainës.
Meta shkruan se është i shokuar nga mizoritë e ushtrisë ruse. Më tej shton se civilët e masakruar, varret masive dhe përdhunimet janë evidenca të pakundërshtueshme të genocidit në Ukrainë.
Presidenti shkruan më tej se ndërkombëtaret duhet ta ndalin makinerinë vrasëse të Kremlinit dhe se këto krime duhet të hetohen si të tilla.
"Si vend anëtar jo i përhershëm i Këshillit të Sigurimit të OKB-së dhe si vend anëtar i NATO-s, Shqipëria do të japë kontributin e saj në këtë drejtim," përfundon presidenti Meta.
I shokuar nga mizoritë e ushtrisë ruse në Bucha dhe rajone të tjera të Ukrainës. Civilët e masakruar, varret masive dhe përdhunimet janë evidenca të pakundërshtueshme të genocidit që Rusia po zbaton në Ukrainë. Bashkësia ndërkombëtare duhet të shumëfishojë përpjekjet për të ndaluar makinerinë vrasëse të Kremlinit.
Komente
Lajme të tjera
-
Ja si u arratis Assad nga Siria! Nga përdorimi i 2 avionëve tek ndihma e Turqisë
18 Dhjetor, 16:21 -
Forcat ruse largohen nga vendlindja e Assadit
18 Dhjetor, 15:42 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Lindja e Mesme/ Al Jolani: Nuk duam konflikte, edhe gra në qeverisje! OKB: Procesi politik në Siri të jetë gjithëpërfshirës! Hapet aeroporti i Damaskut
18 Dhjetor, 09:34 -
Lufta/ Vrasja e gjeneralit të armëve bërthamore Kirillov, arrestohet 29-vjeçari uzbek, i dyshuar edhe një person i dytë! Moska: I rekrutuar nga Kievi!
18 Dhjetor, 08:18 -
Si mund të duket plani i paqes për Ukrainën
18 Dhjetor, 08:14 -
BE nis hetimin ndaj TikTok pas dyshimeve për ndërhyrje në zgjedhjet rumune
17 Dhjetor, 17:56 -
Lufta Rusi-Ukrainë, Donald Trump: Do të bisedoj me Putin dhe Zelenskyn, duhet të bëhet një marrëveshje
16 Dhjetor, 22:37 -
Bashar al Assad flet për herë të parë pas largimit nga Siria: Nuk kam menduar kurrë të jap dorëheqjen, rusët më evakuuan
16 Dhjetor, 14:58 -
Lufta në Gaza e Siri, Trump telefonatë me Netanyahun: Marrëveshje për pengjet dhe armëpushim, ndryshe...! Al-Jolani takon të dërguarin e OKB
16 Dhjetor, 08:33 -
VIDEO/ Transportonte 40 cisterna naftë për ushtrinë ruse, ukrainasit godasin me raketa amerikane trenin
15 Dhjetor, 19:19 -
Frikë nga një luftë e mundshme me Rusinë, Suedia përgatitet të hapë varre për 30 mijë ushtarë
15 Dhjetor, 17:28
Peshen e fjales nuk e ben megafoni...cfare nenkupton me hetim te pavarur??? a mund te kete valle ndonje hetim te pavarur ne histori? mbase ne rastin e ardhjes se jashtetokesoreve ne toke per here te pare, ata mundet te kryejne nje hetim te pavarur.
PërgjigjuKrimet serboqetnike mbi popullin shqiptarë në Kosovë nuk i denoni , por EKR mundohet edhe ta fal gjakun shqiptarë sepse vucicin e ka bër më vlla se vllaun. E shifni tani ironin e PS don ta gjykojë shokun e ngusht të km bq fashistin Putin… absurd
Përgjigju