POP 5

Lajmet më të lexuara të 5 minutave të fundit

Kronikë

Çmime e larta në Orikum, pushuesit: S’justifikohet shërbimi! Shëngjini në pikun e sezonit, aktivitete për fëmijët

Qytetarët që kanë zgjedhur Orikumin për të pushuar këtë vit, thonë se në çmimet janë mjaft të larta për shërbimin që ofrojnë. Shqetësime prej tyre vijnë edhe për pastërtinë dhe mungesën e rojeve të plazhit. Në Shëngjin janë organizuar aktivitete argëtuese për të vegjlit.

Çmimet në Orikum janë mjaft të lart, dhe nuk e justifikojnë shërbimin që ofrohet në këtë plazh sipas pushuesve.

“Çmimet nuk më pëlqejnë shumë, Janë shumë të larta. Nuk e kuptoj, shqiptarët janë pa punë dhe çmimet shumë të larta”, tha një pushues.

Përpos gjithçkaje të shtrenjtë, papastërtia e infrastruktura në qytet është një tjetër shqetësim për ta, të cilët vlerësojnë se lë shumë për të dëshiruar. Të tjerë evidentojnë mungesën e vrojtuesve të plazhit.

“Duhet të bëhet më shumë për pastrimin e plazhit, për rojet e plazhit. Deti, deti është gjithmonë”, tha një pushuese tjetër.

“Nuk më pëlqen se nuk pastrohet plazhi”, u shpreh një pushues.

Në sy të tyre bie edhe fakti që në Shqipëri ka zero ndërgjegjësim për masat anticovid, përkundër asaj që ata përballen në vende të tjera të Evropës.

“Pandemia nuk ka ikur, por njerëzit këtu janë shumë të pa kujdesshëm. Sikur nuk ka ndodh asgjë që kanë vdekur njerëz. Nuk duan të ja dinë fare. Më bën shumë përshtypje, habitem”, përfundoi pushuesja.

Në bregdetin e Shëngjinit, të vegjlit janë ata që shijojnë çdo orë e minutë plazhin. Për t'jua bërë ditën sa më atraktive dhe të gëzueshme, Drejtoria e Sporteve në Bashkinë Lezhë ka organizuar aktivitete të ndryshme.

“Aktivitetet janë shumë të rëndësishme për fëmijët, pasi jo vetëm pushojnë, por edhe argëtohen”, u shpreh drejtoresha e Sporteve në Bashkinë Lezhë, Mimoza Shtjefni.

Pjesë e lojërave të të vegjëlve u bënë edhe prindër e gjyshër.

“Lojëra të ndryshme. Jemi kënaq”, tha një fëmijë

“Pak më shpesh se fëmija ka qejf, por edhe ne kemi qejf ti shikojmë”, u shpreh prindi.

Shëngjini ashtu si gjithë bregdeti shqiptar ndodhen në pikun e sezonit pas një viti të vështirë pandemie dhe nga ky sektor pritet që këtë vit vendi të fitojë 489 mld lekë të ardhura.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça