TIRANE - Projektligji për trajtimin dhe përfundimin e procesit të kompensimit të pronave, është diskutuar dje për herë të parë në Kuvend. Ministri i Drejtësisë, Ylli Manjani, prezantoi para Komisionit të Ligjeve iniciativën e qeverisë, duke argumentuar se ndërhyrja ligjore është e domosdoshme, pasi me ritmin e deri tanishëm, do të duheshin sipas tij, edhe 4000 vjet në këtë proces.

“Me këtë bazë ligjore që kemi nuk është e sigurt që garantohet e drejta e kthimit dhe kompensimit të pronës dhe do na duhej një proces shumë e gjatë, e barazvlefshme me 4000 vite, pasi me këtë ritëm të kompensimit të pronave që ne kemi, me 1600 hektarë në vit, nuk mund të arrijmë të plotësojmë të gjitha kërkesat.