POP 5

Lajmet më të lexuara të 5 minutave të fundit

Sport

Colella e pëson njëjtë si Marini, trajneri i Partizani thuajse i ikur! Burime: Zyrtarizimi çështje kohe

Trajneri Giovani Colella po kalon momentet e fundit si trajner i Partizanit. Edhe pse u shpall kampion ai pritet të ketë të njëjtin fat si drejtori Elton Marini, i cili ndau rrugët me klubin. Aktualisht Partizani dhe Colella po diskutojnë kushtet e ndarjes.

Ka kaluar vetëm 1 javë që kur Partizani u shpall kampion, por te klubi i kuq po ndodh një eksod në rang drejtuesish. Ashtu siç ishte përfolur, të hënën u largua zyrtarisht drejtori Elton Marini, i cili përpiloi ekipin që u shpall kampion, ndërkohë që bëri edhe shitjen më të shtrenjtë në merkato nga Superliga, me Xhuliano Skukën që la kryeqytetasit për 1.4 mln euro për të shkuar te Metz në Francë.

Megjithatë Marini është i pari, ndërsa pas tij rradhën do ta ketë trajneri Giovani Colella. Italiani në pankinën e Partizanit një vit më parë ishte këmbëngulja e madhe e drejtorit Marini dhe me largimin e këtij të fundit edhe Colella pritet të ketë të njëjtin fat. Gjithsesi kjo nuk është arsyeja e vetme, pasi trajneri kishte diskutuar me Marinin edhe projektit për vitin e ardhshëm, ndërsa tani ai nuk mund të shkoi para pa drejtorin sportiv.

Aktualisht klubi dhe trajneri po diskutojnë ndarjen, por për ‘Report TV’ e mohojnë të ketë një vendim përfundimtar. Megjithatë mes rreshtash lihet të kuptohet se largimi i Collela-s është çështje kohe.

Madje po qarkullojnë edhe emrat që pritet ta zëvendësojnë. Më i mundshmi është ai i Tomislav Stipic, i cili ka menaxher Adrian Aliajn, një bashkpuntor i ngushtë i Partizanit. Megjithatë kroati ka bërë shkëlqyeshëm së fundmi në Letoni dhe për ta marrë nga skuadra e Rigës duhet të përputhen shumë situata. Nëse jo Stipic dëshira e Partizanit është që të vijojë me trajnerë të huaj.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02