Conference League do zhvillojë sot 18 ndeshjet e raundit të tretë në fazën e ligës. Në fushë do zbresin edhe dy klubet shqiptare, Shkëndija e Tetovës dhe Drita e Gjilanit.

Në stadiumin e Shkupit, Shkëndija pret polakët e Jagiellonias në orën 21:00. Pas fitores 1-0 kundër Shelbourne, skuadra e trajnerit Jeton Beqiri kërkon sërish surprizën në një sfidë që mund të jetë e kalueshme, paçka se polakët kanë shumë përvojë dhe një ekip për t'u respektuar.

Trajneri Beqiri tha se rivalët janë të fortë, por ata futen në fushë për vetëm tri pikë.

"Kemi analizuar kundërshtarin, flitet për një skuadër që është shumë cilësore, një ekip që është dominues në kampionatin polak, një kampionat shumë i fortë dhe shumë fizik. Edhe pse në dy ndeshjet e fundit kanë pësuar humbje, megjithatë bisedohet për një kundërshtar në të cilin ne duhet ta respektojmë shumë dhe gjithsesi se do ta respektojmë, por zakonisht në Shkup tregojmë ndeshje të mira, si në kampionat dhe në Europë.

Shpresoj që me angazhimin maksimal të futbollistëve, duke e respektuar kundërshtarin, edhe pse sipas meje ata e kanë rolin e favoritit në letër, besoj se mund të dalim me rezultat pozitiv në fund të ndeshjes", tha Beqiri.

Nga ana tjetër, në orën 21:00 Drita e Gjilanit luan kundër Shelbourne në Irlandë. Drita ka dy barazime dhe kërkon surprizën kundër një rivali që u mposht nga Shkëndija raundin e shkuar.

Conference League, raundi 3-të:

E enjte, 06 nëntor 2025

18:45

AEK Athinë - Shamrock

AEK Larnaca - Aberden

Celje - Legia

KuPS - Slovan Bratislava

Mainz - Fiorentina

Noah - Sigma Olomouc

Samsunspor - Hamrun

Shakhtar Donetsk - Breidablik

Sparta e Pragës - Rakou

21:00

Crystal Palace - AZ Alkmaar

Dynamo Kyiv - Zrinjski Mostar

Hacken - Strasbourg

Lausanne - Omonia

Lincoln Red Imps - Rijeka

Rayo Vallecano - Lech Poznan

Shelbourne - Drita

Shkëndija - Jagiellonia

SK Rapid - Universitatea Craiova

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera