Një mbrëmje europiane me emocione ishte e enjtja për skuadrat shqiptare në Conference League. Shkëndija e Tetovës arriti fitoren e parë historike (1-0) në fazën e ligës, ndërsa Drita e Gjilanit u ndal në një barazim 1-1 me Omonian e Qipros.

Në stadiumin e Shkupit, kuqezinjtë e Shkëndijës triumfuan 1-0 ndaj Shelbourne, në një ndeshje të fortë dhe të luftuar deri në fund. Pasi i rezistuan presionit të vazhdueshëm të irlandezëve, fati u buzëqeshi vendasve në minutën e 92-të, kur një autogol nga Barrett vulosi rezultatin dhe ndezi festën në kampin tetovar. Kjo fitore i dha skuadrës së trajnerit Jeton Beqiri tri pikët e para në fazën e grupeve të turneut, ku Shkëndija është debutuese.

Ndërkohë në Prishtinë, Drita regjistroi barazimin e dytë radhazi në po aq ndeshje. Kampionët e Kosovës barazuan 1-1 ndaj Omonias së Qipros, në një përballje ku të dyja skuadrat patën rastet e tyre. Gjilanasit kaluan të parët në epërsi në minutën e 12-të, pas një goli të bukur me kokë nga Arb Manaj, i asistuar nga Besnik Krasniqi. Megjithatë, fundi i pjesës së parë solli zhgënjimin për vendasit, pasi Masouras realizoi golin e barazimit në minutën e parë shtesë.

Rezultati mbeti i pandryshuar deri në fund, duke i dhënë Dritës pikën e dytë në grup, ndërsa Omonia regjistroi pikën e parë të saj.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Janar, 18:35

    Arratisja e Ndocit, mendoni se Burgjet kanë standardet e duhura të sigurisë?

Lajme të tjera