TBILISI - Partizani u mposht 2-0 nga Iberia 1999 në Gjeorgji, me sfidën që vlente për aktin e parë të turit të dytë në Conference League. Të pafat nënkampionët e Shqipërisë që 90 minutat i mbyllën me një lojtar më pak dhe pësuan nga penalltia. Tanimë më 1 gusht në "Elbasan Arena" dy skuadrat do përballen në sfidën e kthimit, aty ku Partizanit i duhet një mrekulli për të kaluar më tej.
Ndeshja/ Dueli nisi më mirë për vendasit, teksa duhej një gabim i Pano Qirkos që të shkaktonte penallti. Nonikashvili nuk gaboi përballë Qirkos dhe në minutën e 31-të kaloi Iberian në epërsi. Me fillimin e pjesës së dytë Partizani pësoi edhe goditjen e radhës, kur Arinaldo Rrapaj doli nga fusha pas ndëshkimit me kartonin e dytë të verdhë, duke lënë "Demat" me një lojtar më pak.
Vlonjati do mungojë edhe në aktin e dytë, teksa Sylla në minutën e 57-të të shënonte edhe golin tjetër (i dyshimtë për pozicion jashtë loje) për vendasit që vulosi rezultatin 2-0. Kështu, Partizani do duhet të gjejë dy gola pas një jave, duke dashur ta dërgojë sfidën me shtesë.
Partizani humbi 2-0 me Iberian në Gjeorgji, sfida e parë kjo për turin e dytë të Conference League. Pas ndeshjes foli trajneri i "Demave", Orges Shehi. Durrsaku e kishte me gjykimin dhe kartonat e shumtë, me Rrapaj që la Partizanin me një lojtar më pak për 43 minuta lojë.
"Nga momenti daljes me karton të kuq në fushë nuk kishte aspak diferenca , madje Partizani ka luajtur më mirë se Iberia...
Jemi ndëshkuar nga një 11 metërsh pas një topi të humbur nga ana jonë dhe në tranzicion kundërshtari na kapi një moment që mund ta shmangnim. Nga minuta e 50 mbetëm nē inferioritet numerik pas kartonit tē kuq të Rrapaj dhe patjetër që menduam të ndryshonin mënyrën se si do të vendosemi për tu rinisur.
Kur je me një lojtar më pak do të kërkosh të kapësh kundërshtarin në kundërsulm. Kishim shanset tona dhe nuk i shfrytëzuam. Shpresojmë që në ndeshjen e kthimit shanset që do të kemi ti shfrytëzojmë edhe pse e dimë që do të jetë krejt tjetër ndeshje.
Gjykimi?
Mendoj që disa episode mund të ishin trajtuar ndryshe nga gjyqtari sepse kishte disa momente siç na ndëshkonte ne me kartonë gjyqtari mund të ndëshkonte edhe kundërshtarin. Mund të kishte edhe lojtarë të Iberias që mund të ndëshkoheshin me dy kartonë të verdhë. Në ndeshjen e kthimit e dimë që do të kemi mbështetjen e madhe të tifozëve tanë dhe do të jetë një atmosferë shumë ndryshe nga kjo në Tbilisi", tha Shehi.
Tanimë më 1 gusht në "Elbasan Arena" dy skuadrat do përballen në sfidën e kthimit, aty ku Partizanit i duhet një mrekulli për të kaluar më tej.
Lajme të tjera
-
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate
17 Nëntor, 20:04 -
VIDEOLAJM/ Kreu i Komisionit Zgjedhor në Gjeorgji lyhet me bojë të zezë nga zyrtari opozitar
17 Nëntor, 07:34 -
Liga e Kombeve/ Buzëqesh Shqipëria, Gjeorgjia dhe Ukraina barazojnë 1-1 në Grupin B1
16 Nëntor, 20:04 -
Mbi një dekadë në opozitë, i padëshiruar dhe nën arrest shtëpie, Berisha kërcënon Sorosin se do e shpallë ‘non grata’! Thotë dhe se Rama do shkojë për azil te Lukashenko
15 Nëntor, 17:06 -
Protesta e të martës/ Berisha: Mobilizim brenda dhe jashtë Parlamentit, duam minimumin jetik prej 200 eurosh! Anëtarët e PD më aktivë në rrjetet sociale, takime me Diasporën
15 Nëntor, 15:21 -
Superliga/ Partizani fiton 1-2 derbin dhe merr kreun, Vllaznia 'ngec' me kampionët! Teuta dhe Skënderbeu barazim me gola
9 Nëntor, 19:10 -
Conference League/ Chelsea shënon 8 gola dhe vendos rekord, sulmuesi shkodran në fushë! Fiorentina e pëson në Qipro
8 Nëntor, 09:11 -
Dinamo 'tërbon' AF Elbasanin, i shënon pesë gola! Partizanit i ikën fitorja në limite, Teuta e barazon në kryeqytet
5 Nëntor, 08:41 -
Dosja 'Meta'/ Adriatik Doçi në 'Studio Live': Ja cilët persona përdori si bankomat! Është faktuar se ndërhyri për rritjen e çmimit të energjisë
4 Nëntor, 19:14 -
Masakra në Shkodër dhe vizita në Selanik, Berisha akuza Ramës nga ballkoni: Viktima të krimit të mafias shtetërore, të licencuara për mandatin e tij!
3 Nëntor, 19:44
