Numri 1 i pankinës së Chelsea ka deklaruar se nuk mund ta ndalojë Eden Hazard për tu larguar drejt Barcelonës edhe pse ka shtuar se mendon se  ai do të zgjedh të qëndrojë në Angli.

Shitja e Neymar te Paris Saint-Germain për 222 milionë euro, ka alarmuar shumë skuadra, përfshirë “Blutë” e Londrës, pasi katalanasit po kërkojnë për një zëvendësues të yllit brazilian npër formacionin e tyre.

Eden Hazard është një nga lojtarët që kryeson listën e Barcelonës dhe gjigandët spanjoll, pavarësisht Contes edhe më parë kanë  tentuar të nisin negociatat për një kalim të Hazard drejt Barcelonës.

Tekniku italian tashmë e ka pranuar se vendimi për të qëndruar apo për të veshur fanellën e Barcelonës i përket Hazardit për tu marrë.

“Eden Hazar është një nga lojtarët më të mirë, por unë e përsëris se unë jam trajneri dhe unë mund të jap mendimin tim, por vendimi final i përket gjithmonë klubit. Unë pres që Eden të luaj për Chelsea. Nuk është momenti i duhur për të humbur lojtarë”, ka përfunduar Conte.
 
Redaksia Online
D.T/Shqiptarja.com