Coronavirusi, Italia ende në rrafshnaltën e pikut të epidemisë. Totali i testeve të kryera rreth 620 000

Italia mbetet akoma në rafshnaltën e pikut të epidemisë dhe ende të dhënat e rritjes së numrit pacientëve me koronavirus mbeten të qëndrueshme si dhe zbulimi i rasteve të reja në lidhje me tamponët e bërë.

Në total numri i testeve të kryera është rreth 620 000 teksa në vetëm 24 orët e fundit u kryen rreth 80 mijë të tilla.

Shqetësuese paraqitet gjendja e infeksioneve në rradhët e bluzave të bardha. Vetëm dje humbën jetën nga koronavirusi 8 mjekë duke e rritur numrin e viktimave të mjekëve dhe infermierëve në 77.

Gjendja e pandemisë në jug të Italisë duket e tendenca e rritjes së infeksionit ka stopuar dhe ka nisur rënia.

Drejtori i Departamentit të Sëmundjeve Infekttive në Institutin e lartë të Shëndetësisë, Gianni Rezza tha se "Nëse do të kishim hequr dorë nga masat shtrënguese, në Jug do të kishte shumë Codogno", një nga dy vatrat e para të epidemisë në Itali.

OBSH ka tërhequr vëmendjen se disa vende po tentojnë të lehtësojnë masat e izolimit dhe kufizimit dhe ka sjellë shembullin e mirë krahasimor të Italisë ku me shumë mundësi vetëm në mes të muajit maj mund të kalohet në fazën 2 që do të thotë rifillim i aktiviteteve, gjithmonë nëse evolucioni i situatës do ta lejojë.

Lajmi kryesor:

Italia shënon 20 mijë të shëruar, më pak persona në terapi intensive! 681 viktima në 24 orë! Mbi 1 milion e 100 mijë raste në botë

/r.k./Shqiptarja.com

TAG:
• SHBA
• Kina
• New York
• Koronavirus