Presitigjiozja Coriere Della Sera i kushton jo pak hapësirë lajmit të grabitjes së 1 milion eurove në Aeroportin “Nënë Tereza”. Madje ajo është bazuar në Report Tv për të informuar lexuesit e saj. Corriere vë në dukje polemikat mbi sigurinë e këtij aeroporti, ku kryhen me qindra fluturime në ditë drejt Italisë dhe shumë vendeve të tjera.
 
Report Tv ishte e vetmja media që ka sjellë pamjet ekskluzive nga momentet e grabitjes në aeroportin  Rinasit ku tre persona të maskuar dhe të armatosur arritën të vidhnin rreth një milion euro të një banke të nivelit të dytë, të cilat do transportoheshin me avion drejt Austrisë. Këto pamje ekskluzive shërbyen si burim informacioni për media të shumta në vend por edhe më tej, siç verifikohet edhe nga shkrimi i Corriere Della Sera që vjen i shoqëruar nga kronika e Report Tv. 

“Hynë në aeroport me një makinë pa autorizim, madje nën sytë e sigurisë dhe policisë. Iu afruan një avioni i ciili sapo kishte ardhur nga Viena i mbushur me pasagjerë dhe në 4 minuta arritën të grabisin rreth 1 milionë euro. Më pas u larguan të qetë. Një grabitje spektakolare në mes të ditës, në një aeroport ndërkombëtar, në Tiranë i cili konsiderohet nga autoritetet e antiterrorismit europian si një pikë intersi për ekstremistët islamikë . Pikërisht në këtë aeroport çdo ditë udhëtojnë të paktën 10 avionë me destinacion Italinë”, shkruan Corriere della Sera. Ngjarja e cila ndodhi në orën 14 e 30 në datën 30 qershor tashmë ka shkaktuar përplasje mes autoriteteve që drejtojnë aeroportin dhe policisë e cila e tejkalon përgjegjësinë te ata që kishin për detyrë survejimin. Sa i përket grabitësve asnjë gjurmë. Ndërsa janë ndaluar 5 persona nën akuzën se kanë mundësuar kushtet për grabitje’’, citohet në shkrim.

‘’Njëri prej autorëve hap kangjellat e njërës prej pikave të hyrjes më pas hipën në automjetin tip Mercedes Benz me ngjyrë vishnje e së bashku me bashkëpunëtorët u largohen duke grabitur shumën e parave që i përkiste një banke. E çudtishme por e vërtetë, dy policë ishin aty ndërsa po prisnin disa shtetas të kthyer nga Austria’’, shkruan Corriere. 

Për më tepër, thuhet në shkrim, është ironik fakti se siguria ishte në nievele të larta edhe për shkak të ngjarjes në aeroportin Ataturk i cili një ditë para grabitjes u godit nga sulmet terroriste. Pas kësaj ngjarjeje, citon e perditshmja, shumë prej kompanive ajrore kanë kërkuar rritje të sigurisë. “ Nëse një terrorist dëshiron të bëjë dicka shumë mirë mund të vijë këtu, do të mjaftonte të ishte pak i famshëm ose të kishte një mik i agjentëve për të kaluar kontrollet “ thonë për Corriere Della Sera dy persona të cilët punojnë në brendësi të aeroportit . Dëshmitë e tyre konfirmohen nga shumë pasagjerë të cilët levizin mes Tiranës, Milanos dhe Romës, shkruan 
e përditshmja.


corriere


Redaksia Online
Al.N/Shqiptarja.com