‘Corriere Della Sera’ promovon ‘tokën e shqiponjave’: Udhëtim me biçikletë në Shqipëri mes detit, qyteteve historike dhe tokave të egra

Gazeta italiane ‘Corriere Della Sera’ i ka kushtuar një reportazh bukurive natyrore të Shqipërisë. Kryeministri Edi Rama ka ndarë në rrjetet sociale artikullin e botuar në këtë gazetë, në të cilin gazetarja Francesca Massoti ka përshkruar një udhëtim me biçikletë në Shqipëri përgjatë bregdetit dhe qyteteve historike.

Rama shkruan se, “këtë herë është radha e gazetës më të madhe italiane “Corriere Della Sera” që të promovojë “tokën e shqiponjave”. Duke i rënë kryq e tërthorë vendit, i dedikon një reportazh bukurive tona natyrore dhe vlerave njerëzore, me mikpritjen e rrallë, agroturizmet e shtuara, sitet kulturore dhe pasuritë UNESCO në zbulimin e intinerareve fantastike shqiptare për vizitorët e huaj”.

Shkrimi i plotë

Shqipëria me biçikletë

1085 kilometra, 4 vende të Unesco-s, për 15 ditë. Këto janë numrat e itinerarit me dy rrota për të zbuluar një nga vendet më të egra dhe më pak të njohura të Europës, Shqipwrinw.

Shqipëria me biçikletë: itineraret më të bukura

Me biçikletë udhëton, pa nxitim, mes zonave te paeksploruara ku majat, luginat, vreshtat dhe fshatrat e lashta në shpatet e maleve ndjekin njëri-tjetrin, por edhe manastiret e kështjellat me pamje nga deti dhe qytetet historike, ku koha duket se ka ndalur dhe ritmet janë ato të së shkuarës.

Nga Tirana dy javë aventurë

Një aventurë që fillon dhe mbaron në të njëjtin vend, në Tiranë, kryeqytetin e zhurmshëm të Tokës së Shqiponjave. Dy javë udhëtim, përgjatë pjesës jugore të Shqipërisë deri në kufirin me Maqedoninë e Veriut, përgjatë brigjeve të liqenit më të vjetër dhe më të thellë në kontinentin e Evropës, dhe më pas përgjatë brigjeve të lumit të fundit të egër në Evropë, Vjosës, i cili pritet të bëhet një park kombëtar.

Dhe më pas, sërish, në qytetet me një histori mijëravjeçare të përfshira në listën e vendeve të trashëgimisë botërore të UNESCO-s, vende arkeologjike të paçmueshme, plazhe të pacenuara, gjire sekrete dhe kështjella me pamje nga deti.

Udhëtimi u rekomandua gjithashtu nga “The New York Times”: Rruga e Çiklizmit të UNESCO-s është në listën e 52 destinacioneve që nuk duhen humbur në 2023.

Një mundësi unike për t’u larguar këtë pranverë, ose në fillim dhe në fund të verës, në një nga territoret e fundit të paeksploruara dhe autentike në Evropë.

Një udhëtim i ngadaltë me biçikletë, mes fshatrave me shpirt të lashtë, manastire me pamje nga deti, fshatra të gurtë dhe mikpritje të kohëve të hershme.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen