POP 5

Lajmet më të lexuara të 5 minutave të fundit

Kultura

COVID 19 lë shtatë muaj pa shfaqje operën, TOB-i rikthehet te publiku me muzikë baroke (VIDEO)

Teatri Kombëtar i Operës dhe Baletit çeli sezonin artistik me koncertin e parë “Qengji i Zotit” në atriumin e Muzeut Historik Kombëtar. Pianistja Etrita Ibrahimi, e cila kësaj here luan në klaviçembalo e konsideron emocionues këtë rifillim të jetës artistike pas mbylljes shtatë-mujore për shkak të Covid 19.

Në atriumin e Muzeut Historik Kombëtar një përshpirtje për të gjithë ata që nuk janë më, erdhi përmes koncertit të parë me muzikë baroke nga artistët e Operës pas Covid 19. Koncerti “Qengji i Zotit” (Agnus Dei) ndërthuri në rifillimin e këtij sezoni artistik të operës pas shtatë muajsh, emocionet e publikut dhe artistëve, që sollën muzikën e kompozuar nga Johan Sebastian Bah në klaviçembalo, që e luajti Etrita Ibrahimi, pjesë korale nga Mozart dhe Vivaldi edhe arie nga Hendel, që erdhën përmes interpretimit të Dorina Selimajt dhe Bledar Domit.                                                        
“Shkëputja nga skena nuk është e mirë as arstitikisht dhe as shpirtërisht për ne artistët, se humbasin përherë kur nuk dalim në skenë. Periudha prej shtatë muajsh karantinë ka qenë shumë e gjatë, prandaj është emocion e madh ky rifillim i jetës artistike. Por kësaj here për mua emocioni është i dyfishtë, sepse luajta në klaviçembalo, (instrument i dytë pas pianos) për të cilin kam studiuar. Koncerti është zgjedhur si një lutje drejt Zotit për të na dhënë mundësi për një jetë më të mirë, edhe si një përshpirtje për këdo, që ka humbur jetën nga Covid 19 dhe familjarët e tyre, të cilët nuk kanë mundur që t’i përcjellin dot”, shprehet artistja Etrita Ibrahimi pas koncertit. 

Gjithashtu në mbrëmjen e datës 2 tetor, ora 19.00 koncerti i parë i Ansamblit Popullor është “Në gjurmët e të parëve tanë” në atriumin e Muzeut Historik Kombëtar.

1601647638_opera.jpg

Foto nga koncerti i operes 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

27 Nëntor, 22:55