Covid, Çekia rihap kufijtë për turistët por me kushin e certifikatës mjekësore

Republika Çeke rihapi sot kufijtë me Austrinë dhe Gjermaninë, edhe pse kufizimet për ata që lejohen të hyjnë në këtë vend do të mbeten.

Autoritetet thanë se vetëm shtetasit çekë, turistët e huaj, studentët e Bashkimit Evropian dhe biznesmenët do të lejohen të hyjnë por do të duhet të kenë një certifikatë që dëshmon se nuk janë të infektuar me koronavirus - në të kundërtën, do përballen me dy javë karantinë.

Çekia, sikurse të gjitha vendet e BE-së dhe të tjerat, i ka mbyllur kufijtë në mes të muajit mars, për të frenuar përhapjen e koronavirusit.

Nga e mërkura, kufiri i saj me Sllovakinë do të rihapet po ashtu, por vizitorët nga secila anë e kufirit do të duhet të kthehen brenda 48 orësh.

Për këta të fundit nuk do të duhet testi dhe nuk do të aplikohet karantina.

Çekia ka konfirmuar mbi 9,000 raste të të infektuarve me koronavirus dhe 317 viktima.

I.C./Shqiptarja.com
  • Sondazhi i ditës:

    A ju duket i drejtë vendimi i BE për të mos hapur kufijtë me Shqiperinë pas 1 korrikut?

Komento


×

Lajmi i fundit

John

Debate në Kuvend/ Ruçi s'i jep fjalën Murrizit, opozita bllokon foltoren