Covid, epidemiologu i Shtëpisë së Bardhë: Numri i viktimave në SHBA më i lartë se shifrat zyrtare! Koronavirusi do rikthehet sërish në vjeshtë

Dr. Anthony Fauci, eksperti kryesor i sëmundjeve infektive në Shtetet e Bashkuara tha se numri i vdekjeve të shkaktuara nga koronavirusi në Shtetet e Bashkuara është "me siguri më i lartë" sesa shifra e raportuar prej 80,000 viktimash dhe paralajmëroi për pasoja të rënda nëse qytete dhe shtetet rihapen shumë shpejt.

Ai i tha një paneli të Senatit që po heton reagimin e Shteteve të Bashkuara ndaj pandemisë, se një numër i pa llogaritur i viktimave të koronavirusit, veçanërisht në qytetin e Nju Jorkut, kanë vdekur në shtëpi pa u përfshirë zyrtarisht në numrin total të vdekjeve në nivel kombëtar, por nuk pranoi të spekulonte se deri ku mund të ketë arritur kjo shifër.

Dr. Fauci paralajmëroi se është "tërësisht e mundur" që pandemia "të mund të përkeqësohet" në Shtetet e Bashkuara në muajt e vjeshtës nga shtatori deri në nëntor, por tha se shpresonte që deri në atë kohë vendi do të "mund të merrej me të" më mirë se deri më tani.

Lajmi kryesor:

195 viktima në Itali! 4 milionë raste infeksioni nga COVID-i në botë! Anthony Fauci: Në SHBA më shumë viktima se shifrat zyrtare

TAG:
• SHBA
• amerika latine
• koronavirusi
• ekuador
• pandemi
• covid