Covid, fëmijët gjermanë u rikthyen sot në shkolla pas më shumë se dy muaj për shkak të pandemisë (FOTO)

Fëmijët gjermanë u rikthyen ditën e sotme në shkolla, pas ndërprerjes së saj për më shumë se dy muaj për shkak të pandemisë së shkaktuar nga virusi i ri me origjinë nga Kina.

Në shumë shkolla, si kjo e Dortmundit që kemi në foto, nxënësve në orën e parë iu mësua se si të ruajnë distancimin social dhe të zbatojnë rregullat bazë të higjienës.

Fëmijët u rreshtuan në një distancë të kërkuar nga njëri-tjetri dhe kur hynë në shkolla dezinfektuan duart me pajisjet që iu ishin vendosur në çdo ambient. Pjesa më e madhe e tyre ishte e pajisur me maska mbrojtëse.

Një ditë më parë, kancelarja Merkel me liderët rajonalë ranë dakord për hapjen e shkollave dhe shumë aktiviteteve të tjera, megjithatë u parashikua se nëse do të ketë një shtim të rasteve me koronavirus do të aplikohen “frenat e emergjencës”, të cilat parashikojnë rikthimin e masave shtrënguese.

Lajmi kryesor:

Në Itali 274 viktima dhe 3030 të shëruar…Greqia e Kroacia drejt hapjes së kufijve me protokolle! Shkalla e vdekshmërisë nga COVID-i mes 0.5 e 3.4%

TAG:
• SHBA
• koronavirusi
• covid
• Vaksina anti Covid