Covid/ Kosova regjistron 3 viktima dhe 34 raste të reja infeksioni

Në Kosovë gjatë 24 orëve të fundit janë regjistruar 34 raste të reja infeksioni Covid.

Sipas Institutit Kombëtar të Shëndetësisë Publike ka patur gjithashtu edhe 3 raste vdekje nga koronavirusi.

Betejën me sëmundjen COVID-19 e kanë fituar edhe 122 pacientë ndërsa raste aktive janë 1.203.

Rastet e para me koronavirus në Kosovë janë shfaqur në muajin mars.

Që nga ajo kohë janë infektuar gjithsej 15.889 persona, prej të cilëve 635 kanë vdekur ndërsa 14.051 janë shëruar.

Serbia ka raportuar sot për 120 raste të reja infeksioni dhe 1 viktimë

Sipas autoriteteve, në vend totali i të prekurve nga Covid është 34 072 kurse numri i atyre që kanë humbur jetën prej fillimit të pandemisë është rritur në 757

Autoritetet shëndetësore në Maqedoninë e Veriut kanë njoftuar se gjatë 24 orëve kanë humbur jetën 8 persona nga koronavirusi dhe numri në total i viktimave në vend që nga fillimi i pandemisë ka shkuar në 768 njerëz.

Ndëkohë sipas të dhënave ditën e sotme janë konfirmuar 223 raste të reja dhe numri i përgjithshëm i të infektuarve në rajon ka shkuar në 19,096 të tjerë.

Në Maqedoninë e Veriut janë shëruar 15,645 persona ndërsa në gjendje të rëndë për jetën janë 3 pacientë. Maqedonia e Veriut për identifikimin e rasteve me koronavirus ka kryer 197,382 testime

TAG:
• kosove
• serbi
• pandemi
• covid