Covid, Luksemburgu i vogël dhe i pasur do testojë gjithë popullsinë brenda një muaji

Edhe Luksemburgu i vogël dhe i pasur po përgatitet për fazën 2 të epokës së koronovirusit, me një ndryshim në krahasim me vendet e tjera të Unionit: Dukati i Madh brenda pak ditësh fillon fushatën për të testuar të gjithë popullsinë brenda një muaji.

"Më shumë testime do të thotë të japësh pak më shumë liri për të gjithë," shpjegoi Ministri i Kërkimit Claude Meisch. Pjesa e parë e popullsisë që do të ekzaminohet do të jenë nxënësit e shkollave, domethënë 8.500 studentë dhe mësues për t'u përgatitur për kthimin e tyre në klasa, e planifikuar për 4 maj.

Kostoja e operacionit është 40 milion euro, me qëllim që të kryhen 20 mijë testime në ditë dhe me qëllim që të ekzaminohet e gjithë popullata brenda një muaji.

Testet masive do të kryhen në 17 laboratorë të shpërndarë në të gjithë Luksemburgun. Edhe pse testet janë vullnetare, të gjithë qytetarët do të marrin një letër nga autoritetet me ditën dhe vendin e provës së tamponit. Sa më shumë njerëz të testohen, aq më i suksesshëm do jetë projekti për të shoqëruar zbutjen e bllokimit dhe izolimit.

Luksemburgu deri më tani ka regjistruar rreth 3,900 raste dhe 88 vdekje.

Lajmi kryesor:

Covid, në Itali 323 viktima në 24 orë! Më shumë se 3 milionë raste infeksioni në botë...Shkencëtarët kinezë: Koronavirusi do rikthehet në formën e gripit

TAG:
• SHBA
• Koronavirus
• covid