Bota tani ka tejkaluar shifrën 8 milion raste të infeksionit nga koronavirusi. Sipas të dhënave nga agjensia AFP Universitetit John Hopkins në të gjithë globin aktualisht ka të regjistruara 435,574 viktima nga Covid.
Por dita karakterizohet edhe nga një numër tjetër kyç: 80 mijë. Ka shumë vdekje të regjistruara midis Amerikës Latine dhe Karaibeve. Nga këto, afërsisht 44 mijë kanë ndodhur vetëm në Brazil, i cili me 888 mijë infeksione është vendi i dytë më i prekur në botë pas Shteteve të Bashkuara. Ndërsa në të gjithë Amerikën e Jugut tani ka pothuajse 1.7 milion raste.
Në Brazil në 24 orët e fundit humbën jetën nga infeksioni i koronavirusit 627 persona. Autoritetet braziliane kanë bërë të ditur që numri i përgjithshëm i rasteve pozitive është rritur në 888.227 njësi.
Përkundër faktit se muajin e kaluar OBSH kishte njoftuar ndalimin e testeve për përdorimin e hidroksilklorinës për trajtimin e Covid 19, duke treguar shqetësimin për sigurinë, qeveria braziliane, përmes Ministrisë së saj të Shëndetësisë, ka vendosur të trajtojë pacientët Covid me këtë ilaç, përfshirë fëmijët dhe gratë shtatzëna.
Sipas autoriteteve të Mbrojtjes Civile Italiane, gjatë 24 orëve të fundit në vend janë regjistruar 34 viktima nga koronavirusi për një total prej 34405
Sot numri i të shëruarve në Itali ishte 1516 ndërsa numri i përgjithshëm i tyre ka shkuar në 178 526
Autoritetet raportuan gjithashtu se sot u regjistruan edhe 210 raste të reja pozitiv për një total prej 237 500
Në Rajonin e Lombardisë sot u regjistruan 9 viktima nga koronavirusi për një total prej 16 466që nga fillimi i pandemisë.
Gjithashtu pati edhe 143 raste të reja të pozitivitetit Covid për një total prej 92 060
Gjatë 24 orëve të fundit në Lombardi u regjistruan 877 të shëruar për një total prej 60361
Në Shtetet e Bashkuara, më shumë se 50,000 njerëz kanë vdekur nga Covid-19 vetëm në Shtëpitë e të Moshuarve.
Kjo është ajo që del nga një raport i botuar në ‘Wall Street Journal’, studim i cili ka analizuar të dhënat mbi pandeminë në SHBA.
Më shumë se 250 mijë raste infeksioni janë regjistruar në mes punonjësve të shëndetit dhe vizitorëve në këto qendra.
Deri më tani në Shtetet e Bashkuara ka pasur 116 mijë viktima dhe duket se mbi 40% e vdekjeve kanë të bëjnë me njerëz që jetonin në këto shtëpi të moshuarish
Dy raste të reja të koronavirusit në Zelandën e Re bëjnë që vendi të mos jetë më i lirë nga Covid-19.
Kishin kaluar 24 ditë që nuk kishte më infeksione të regjistruara.
Javën e kaluar shteti hoqi të gjitha kufizimet ekonomike dhe sociale, përveç kontrolleve kufitare.
Zelanda e Re ishte një nga vendet e para në botë që u kthye në normalitet.
Tani, megjithatë, kanë dalë dy raste të reja, të cilat sipas Ministrisë së Shëndetësisë janë shkaktuar të dy nga një udhëtim i fundit në Britaninë e Madhe.
Deri më tani në vend janë regjistruar 22 vdekje nga infrksioni i koronavirusit.
40 raste të tjera të koronavirusit janë regjistruar në Kinë, përfshirë 27 në Pekin.
Një ditë më parë, ishin 49 të rinj të infektuar, përfshirë 36 në kryeqytet, ku u zbuluan shpërthime të reja dhe ku masat e izolimit u rivendosën në disa lagje.
Numri i përgjithshëm i infeksioneve në Kinë u rrit në 83.221 dhe ai i vdekjeve mbetet i qëndrueshëm në 4634. Sipas autoriteteve në kryeqytet, situata është jashtëzakonisht serioze.
Sfida e autoriteteve është që të përmbajnë epideminë para se të dalë jashtë kontrollit, por edhe ta bëjnë pa e mbyllur përsëri të gjithë Pekinin, një masë që do të kishte kosto të mëdha ekonomike dhe psikologjike.
Deri më tani, 11 bashkësi banimi përreth tregut janë izoluar, ndërsa të gjithë personat që kanë vizituar objektin që prej 30 majit, janë duke u testuar.
Si masë paraprake, kryeqyteti ka pezulluar edhe një herë ngjarjet sportive, ka bllokuar ardhjen e turistëve dhe ka shtyrë hapjen e kopshteve dhe shkollave fillore.
Në Shtetet e Bashkuara, numri i përditshëm i vdekjeve të lidhura me koronavirusin mbetet nën 400 njësi për të dytën ditë radhazi.
Sipas llogaritjeve nga Universiteti John Hopkins, konkretisht, viktimat e 24 orëve të fundit ishin 385, teksa një ditë më parë ishin 382.
Këto janë dy nga të dhenat më të ulëta ditore të regjistruara që nga fundi i marsit.
Numri i përgjithshëm i vdekjeve është rritur në 115.111 ndërsa infeksionet në total janë 2.11 milion.
Komente
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13
Keni filluar ti masni vdekjet me njesi, heren tjeter me kilogram.
Përgjigju