Në të gjithë botën numri i përgjithshëm i rasteve të identifikuar pozitiv nga infeksioni i koronavirusit është më shumë se 11 milionë e 600 mijë, për një total viktimash që nga fillimi i emergjencës shëndetësore, prej 538 mijë.
Infeksionet janë përhapur në 210 vende në mbarë botën qëkurs Covid u identifikua për herë të parë në Kinë në muajin dhjetor 2019.
Sipas të dhënave të nxjerra nga grafiku i pandemisë, SHBA kryesojnë renditjen me mbi 2.9 milionë raste Covid,nga të cilat 55 mijë u regjistruan në 24 orët e fundit, dhe më shumë se 130 mijë vdekje, e ndjekur nga Brazili me mbi 1.6 milionë infeksione dhe 65 mijë e 500 viktima dhe më pas India me 720 mijë të prekur dhe mbi 20 mijë viktima.
Sipas të dhënave nga Ministria e Shëndetësisë Italiane, gjatë 24 orëve të fundit në vend janë regjistruar 30 viktima nga koronavirusi, për një total prej 34.899 që nga fillimi i emergjencës shëndetësore.
Sot numri i të shëruarve në Itali ishte 574 ndërsa numri i përgjithshëm i tyre ka shkuar në 192.815
Autoritetet e shëndetësisë raportuan gjithashtu se sot u regjistruan edhe 138 raste të reja pozitiv për një total prej 241,956
Në Rajonin e Lombardisë sot u regjistruan 13 viktima nga koronavirusi dhe 53 raste të reja të pozitivitetit Covid.
Në 24 orët e kaluara, Rusia ka regjistruar 6368 raste të reja të koronavirusit.
Sipas autoriteteve, numri i përgjithshëm i të identifikuarve pozitiv nga Covid është rritur në 694.230 raste.
Ditën e fundit në vend pati edhe 198 viktima nga infeksioni, teksa totali i viktimave të pandemisë ka shkuar në 10 494.
Po sipas autoriteteve, numri i përgjithshëm i të shëruarve është 463.880, nga të cilët vetëm në 24 orët e fundit pati 9551 të shëruar
Me më shumë se 65 mijë të vdekur, me 1 milion e 620 mijë të infektuar dhe me një ekonomia në rënie të lirë, renditur pas Shteteve të Bashkuara, Brazili është shpërthimi i dytë i madh në botë i pandemisë së koronavirusit dhe tani po përballet, për herë të dytë në pak muaj me rrezikun e infektimit në pallatin presidencial.
Presidenti Jair Bolsonaro ka pranuar publikisht se ka simptomat e koronavirusit, i është nënshtruar kryerjes së testit të tamponit dhe se po merrte hidroksilklorinë, si edhe idhulli i tij, presidenti amerikan Donald Trump.
Ndërsa rezultatet e testit të tamponit dalin nesër, kujtojmë se Bolsonaro disa javë më parë kishte kaluar në provë dyshimi pasi një nga bashkëpunëtorët e tij më të afërt ishte testuar pozitiv.
Brazili është një nga vendet më të prekura në botë nga pandemia por që nga fillimi i emergjencës shëndetësore, Bolsonaro e ka minimizuar situatën duke e përcaktuar koronavirusin pak më shumë se një "grip".
Vetëm tre ditë më parë, presidenti kundërshtoi një projekt-ligj që impononte përdorimin e maskave në burg dhe në strukturat e mirëqenies sociale, duke vendosur kufij të ndryshëm në rregullat e reja.
Javët e fundit ai u shfaq në protestat anti-karantinë dhe u përplas me guvernatorët e shteteve që kanë marrë masa të bllokimit dhe izolimit.
Pothuajse një muaj pas alarmit të shkaktuar nga shpërthimi i ri i koronavirusit në Pekin, në 24 orët e fundit kryeqyteti nuk regjistroi ndonjë rast të ri Covid-19 dhe buletini pandemik mbetet i pandryshuar, 335 infeksione që nga 11 qershori.
Kina, vendi i parë i prekur nga koronavirusi ka raportuar në total, që nga fillimi i epidemisë, 83.565 infeksione dhe 4634 vdekje.
Qyteti i dytë më i madh në Australi, Melburni, duke filluar nga dita e enjte do t’i rikthehet bllokimit dhe izolimit.
Lajmi u njoftua nga Kryeministri i shtetit Viktoria, Daniel Andrews, i cili theksoi se
“Masa do të mbetet në fuqi për gjashtë javë”.
Qyteti i Melburnit ka pësuar kohët e fundit një rritje të rasteve Covid-19.
Vetëm në 24 orët e fundit u raportuan 191 infeksione.
Situata e pandemisë së koronavirusit në Shtetet e Bashkuara është "vërtet jo e mirë".
Kjo u nënvizua nga kryevirologu i Shtëpisë së Bardhë Anthony Fauci.
Ndërsa në vend numri i infeksioneve ditore po shkon drejt 50 mijë në ditë, Fauci tha se SHBA janë të zhytura thellë në valën e parë të pandemisë, duke stigmatizuar rihapjet e parakohshme në shumë shtete si Florida dhe Teksasi.
“Të rinjtë nuk duhet të mendojnë se janë të paprekshëm ndaj pasojave serioze. Ata mund të sëmuren rëndë”, shtoi Fauci, duke theksuar se gjendja aktuale nuk është aspak e mirë.
Sipas Fauci-t, Europa e menaxhoi virusin shumë më mirë sesa SHBA dhe u bëri thirrje amerikanëve të praktikojnë distancimin shoqëror dhe të shmangin vendet e mbushura me njerëz.
Pentagoni ka dërguar në Teksas mjekë ushtarakë për t'u marrë me emergjencën e koronavirusit.
Në Teksas, midis shteteve aktualisht më të prekur nga pandemia, rastet kanë arritur në 194,000 dhe vdekjet janë 2.600.
Jo vetëm që spitalet e Teksasit janë në buzë të kapaciteteve, por veçanërisht repartet e Kujdesit Intensiv janë të pakualifikuar për infeksionet.
Lajme të tjera
-
Zgjedhjet presidenciale në SHBA, nata e gjatë e zgjedhjeve të 5 nëntorit! Ja çfarë do të ndodhë orë pas ore
4 Nëntor, 19:15 -
Përse Wisconsin është thelbësor në garën presidenciale të vitit 2024?
4 Nëntor, 18:47 -
Biden: Rizgjedhja e presidentes proevropiane në Moldavi, dëshmi e 'dështimit' të Rusisë
4 Nëntor, 18:19 -
Zgjedhjet në SHBA, Monika Lewinsky thirrje amerikanëve: Unë e hodha votën për Harris! Votoni edhe ju
4 Nëntor, 18:15 -
Harris dhe Trump përgatiten për beteja ligjore nëse nuk do të ketë fitues të qartë
4 Nëntor, 16:07 -
Amerika vendos/ Garë e ngushtë presidenciale, por Harris është 4 pikë në avantazh! Tre shtete në alarm për sigurinë! Qendrat e votimit me xhama antiplumb e dyer çeliku! Rrethohet Shtëpia e Bardhë e Capitol Hill
4 Nëntor, 15:47 -
Zgjedhjet në SHBA, ministrja e Jashtme e Kosovës: Nuk besojmë se do ndryshojë mbështetja ndaj nesh pavarësisht fituesit
4 Nëntor, 15:39 -
Irani e cilëson si 'destabilizues' dislokimin e bombarduesve amerikanë
4 Nëntor, 14:45 -
Zgjedhjet në SHBA/ A ka Europa partner bisedimesh për Trumpin në rast krize marrëdhëniesh?
4 Nëntor, 09:18 -
Si do të ndikojë rezultati zgjedhor në politikën e Uashingtonit ndaj Iranit?
4 Nëntor, 08:59 -
Zgjedhjet në SHBA/ Çfarë do të bënin Kamala Harris dhe Donald Trump në pushtet? Një vështrim mbi politikat kryesore të fushatës
4 Nëntor, 07:54 -
Harris dhe Trump për Ballkanin, luftë kundër korrupsionit dhe ndikimeve keqdashëse
3 Nëntor, 20:50
