COVID/ Merkel thirrje për respektimin e masave të Dielën e Pashkëve: Së bashku do ta mundim virusin

Kancelarja gjermane, Angela Merkel, ka bërë thirrje për respektimin e masave anti-COVID gjatë ditëve të Pashkëve Katolike, që festohet më 4 Prill.

"Me sjelljen tonë ne mund të ndalojmë rritjen e rasteve. Mjekët dhe infermierët vetëm nuk mund ta fitojnë betejën kundër valës së tretë të pandemisë. Ne nuk duhet t'i lëmë ata vetëm, por t'i ndihmojmë me qëndrimin tonë. Së bashku ne do ta mundim virusin", tha Merkel.

Në të njëjtën kohë, Instituti Robert Koch po propozon një "hapje" të kujdesshme nga maji ose qershori, por jo më herët, si mënyra e vetme për të siguruar qëndrueshmërinë e sistemit shëndetësor ndaj pandemisë së koronavirusit.

"Parandalimi i mbipopullimit në Njësitë e Kujdesit Intensiv mund të jetë i suksesshëm vetëm nëse lehtësimi i masave kufizuese bëhet me kujdes dhe gradualisht nga maji ose qershori", tha instituti.

TAG:
• gjermani
• Pashkët katolike
• angela merkel
• koronavirusi
• masat anticovid