Covid, në Itali regjistrohen 99 viktima! Më shumë se 4 milionë e 700 mijë raste infeksioni në botë... Në SHBA përshpejtohen ritmet e testimit të vaksinave

Sipas autoriteteve të Mbrojtjes Civile Italiane gjatë 24 orëve të fundit janë regjistruar 99 viktima nga koronavirusi për një total prej 32,007

Sot numri i të shëruarve në Itali ishte 2150 kurse numri i përgjithshëm i të shëruarve ka shkuar në 127,326

Autoritetet raportuan gjithashtu se sot u regjistruan edhe 452 raste të reja pozitiv për një total prej 225.886 që nga fillimi i pandemisë.

Në Rajonin e Lombardisë sot u regjistruan 24 viktima dhe 175 raste të reja positive nga infeksioni i koronavirusit.

Sipas Institutit Italian të Shëndetësisë, mosha mesatare e pacientëve të vdekur nga infeksioni I koronavirusit në Itali është 80 vjeç dhe më shumë se 60% e viktimave janë meshkuj, kryesisht me patologji serioze të mëparshme.

Të dhënat e Institutit Italian të Shëndetësisë bazohen në një mostër prej 29.692 pacientësh të vdekur dhe konfirmon karakteristikat që kishin dalë tashmë në javët e kaluara.

Gratë viktima prej infeksionit janë 39.8% dhe mosha mesatare është 62 vjeçe.

Vetëm 1.1% e mostrave (332 viktima) ishin nën moshën 50 vjeç.

74 prej tyre ishin më pak se 40 vjeç (49 burra dhe 25 gra të moshës midis 0 dhe 39 vjeç).

Të dhënat e publikuara tregojnë edhe njëherë se rolin që kanë patur patologjitë e mëparshme në numrin e vdekjeve nga Covid.

Duke u bazuar në hulumtimin e 2,848 vdekjeve, numri mesatar i patologjive të mbartuar te viktimat në Itali është 3.2. 59.8% e viktimave kishin të paktën tre patologji të mëparshme.

Përsa i përket simptomave të vërejtura para shtrimit në spital, ethet dhe mungesa e frymëmarrjes konfirmohen si më të zakonshmet (76% dhe 73%).

Diarre dhe hemoptizë ishin më pak të shpeshta kurse 5.8% e njerëzve nuk shfaqën simptoma.

Ndër ndërlikimet që kishin pacientët Coivid ishin problemet e shfaqura në veshka (22.0%), superinfeksioni (12.2%) dhe dëmtimi akut i miokardit (10 , 6%).

Sipas parashikimeve të ‘Osservasalute’, Rajoni i Lombardisë në Itali do të ketë zero infeksione të reja vetëm në mes të muajit gusht.

Në parashikimet e saj, ‘Osservasalute’ cila është bazuar në të dhënat e Universitetit Katolik të Romës, dhe në koordinim me Walter Ricciardi, këshilltari i Ministrit Italian të Shëndetësisë dhe autoritet i OBSH.

Sipas ‘Osservasalute’, të parat që do të regjistrojnë zero infeksione do të jenë Bolzano dhe Trento, pasuar nga Kalabria, Umbria, Sardenja dhe Basilicata, të cilat do të shohin zero infeksione Covid duke filluar nga 21 maji.

Në Lazio, Emilia-Romagna, Marche, Liguria dhe Piemonte eliminimi i infeksioneve duhet të jetë pas 17 Qershorit.

Qeveria çeke ka hequr gjendjen e jashtëzakonshme në vend, e vendosur prej pandemisë nga koronavirusi

Gjendja e Jashtëzakonshme në Çeki ishte vendosur që prej 12 marsit.

Megjithatë, pavarësisht vendimit të qeverisë çeke, disa kufizime do të mbesin:

Maskat e fytyrës janë të detyrueshme të mbahen në vendet publike dhe ambientet e mbyllura kurse tubimet e më shumë se 100 personave janë të ndaluara. Kontrollet kufitare mbeten ende në fuqi

Çekia deri më tani ka regjistruar 8,475 raste të koronavirusit, me 298 vdekje, sipas ministrisë së shëndetësisë në këtë vend, raporton CNN.

Rusia sot raportoi 8.926 raste të reja me koronavirus, numri më i ulët i rasteve ditore që nga fillimi i muajit.

Numri i përgjithshëm i rasteve u rrit në 290.678 dhe numri i të vdekurve në Rusi u rrit në 2.722, pasi 91 persona të tjerë vdiqën gjatë 24 orëve të fundit, tha ekipi i urgjencës së vendit në një raport të përditshëm.

Gjithashtu është rritur dhe numri i të shëruarve duke arritur në 2.836 në të njëjtën periudhë, duke e çuar numrin e përgjithshëm në 70.209, shtohet në deklaratë. Vendi vazhdon testimin masiv për COVID-19 në përpjekje për të zbuluar sëmundjen në fazat e hershme, kur është më pak ngjitëse.

Deri më tani janë kryer rreth 7.1 milionë testime, të cilat nxorën 264 mijë persona të dyshuar me virus.

Duke nisur nga sot qeveria italiane ka zgjeruar gamën e lehtësimit të masave të bllokimit dhe izolimit.

Nga sot bien të gjitha kufizimet që kanë të bëjnë me lirinë personale. Italianët mund të lëvizin kudo që dëshirojnë, të takojnë njerëz, të lëvizin me mjete të transportit publik dhe privat por deri më 2 qershor do të duhet të qëndrojnë brenda rajonit. 

Për të shkuar përtej kufijve për 15 ditët e ardhshme, do t'ju duhet ende arsye shëndetësore, pune ose urgjence dhe vetëm në këto rast do t'ju duhet të plotësojnë formularin e vetë-certifikimit.

Familjarët, miqtë, kolegët, të njohurit nuk bëjnë më asnjë ndryshim. Mund të takojme jashtë ose të ftojne këdo në shtëpi. Sidoqoftë, gjithmonë duhet të kenë parasysh rregulla si  detyrimi i distancimit shoqëror, të paktën një metër, të mbajnë maskë në vende të mbyllura ose edhe jashtë kur nuk garantohet distanca fizkine. Dhe mbi të gjitha ndalimi i grumbullimeve

Po sot në të gjitha rajonet hapen dyqanet por me kohe zgjatje të ndryshme shërbimi nga më parë. Edhe këtu është e detyrueshme maska.

Rihapen gjithashtu hipermarketet dhe supermarketet. Shumë rajone në hyrje të këtyre lloj shërbimeve kanë bërë të detyrueshme matjen e temperaturës për klientët. Po sot hapen edhe baret dhe restorantet kurse palestrat do të rihapen më 25 maj por me rregulla të rrepta të distancimit fizik.

Dekreti i qeverisë nuk parashikon më asnjë kufizim ose ndalim për aktivitete argëtuese ose rekreative, prandaj duke nisur nga sot italianët  mund të shkojnë në plazh duke ruajtur distancat e sigurisë.