Numri total i të infektuarve nga koronavirusi është pothuajse gjysmë milioni

Në 24 orët e fundit në Rusi janë regjistruar 8404 raste të reja infeksioni nga koronavirusi.

Sipas Agjencisë Tass, ky është numri më i vogël i regjistruar në 14 ditët e fundit.

Në total, në vend ka pothuajse gjysmë milioni infeksione që nga fillimi i epidemisë, (493,657).

Numri i vdekjeve të regjistruara në 24 orët e fundit megjithatë, u rrit në 216, ndërsa një ditë më parë ishin 171 kurse të hënën 112.

Numri total zyrtar i viktimave të virusit në Rusi është 6.358 persona.

Në 24 orët e fundit 10.386 pacientë janë larguar nga spitalet ruse dhe numri i përgjithshëm i personave të rikuperuar tani është 252,783.

Të dhënat raportohen nga qendra ruse e operacioneve antikoronavirus.


Lajmi kryesor:

Covid, në Itali regjistrohen 71 viktima! Më shumë se 7 milionë raste në botë… Në SHBA, Arizona dhe Kalifornia planifikojnë rimbylljen