Covid, në Turqi më shumë se 4000 viktima që nga fillimi i pandemisë nga koronavirusi

Turqia regjistroi 1.635 raste të reja me koronavirus dhe 55 viktima në 24 orët e kaluara, me çka numri i të infektuarve arriti në 144.749, kurse ai i viktimave në 4.007, treguan të dhënat e fundit të Ministrisë së Shëndetësisë, të shpërndara në Twitter nga ministri Fahrettin Koca.

Sipas të dhënave, Turqia deri më tani ka kryer 1.508.824 teste për virusin. Ndërkaq, 963 pacientë aktualisht po trajtohen në njësitë e kujdesit intensiv.

“Tejkaluam shifrën 1,5 milion me teste të kryera. Numri i pacientëve në kujdes intensiv dhe të intubuar vazhdon të ulet. Shkalla e pacientëve të shëruar në raport me rastet është 71,8 për qind”, tha ministri turk Koca.

Turqia konfirmoi gjithashtu 2.315 të shëruar të rinj nga koronavirusi i ri (COVID-19), duke e çuar në 104.030 numrin e përgjithshëm të pacientëve që e kanë mposhtur sëmundjen.

Lajmi kryesor:

Covid-19, në Itali regjistrohen 242 viktima! Donald Trump: Vaksina gati deri në fund të vitit...Në botë 4.5 milionë raste infeksioni nga koronavirusi

TAG:
• SHBA
• koronavirusi
• covid