Covid/ Nga sot në Madrid hyjnë në fuqi kufizimet e reja që prekin 4.5 milionë njerëz

Covid/ Nga sot në Madrid hyjnë në fuqi kufizimet e reja që prekin 4.5 milionë njerëz

Sot në mbrëmje hyjnë në fuqi në Madrid kufizimet e reja të vendosura nga qeveria qendrore për të kufizuar përhapjen e koronavirusit.

Sipas raportimeve të El Pais, komuniteti i Madridit, megjithatë ka paraqitur një apel në Gjykatën Kombëtare pasi sipas tyre vetëm autoriteti rajonal ka "kompetencën për të miratuar masa të veçanta në fushën e shëndetit publik".

Sipas presidentit të rajonit Isabel Díaz Ayuso, masat do të "ndikojnë ndjeshëm në jetën e qytetarëve dhe aktivitetin ekonomik".

Më shumë se 4.5 milion njerëz të prekur nga dekreti i kontestuar nuk do të jenë në gjendje të largohen nga komuna e tyre, vetëm në rastet për nevoja themelore siç janë shkuarja në punë, te mjeku ose për studime. Gjithsesi nuk bëhet fjalë për një bllokim total të kryeqytetit.

Spanja në 24 orët e kaluara regjistroi më shumë se 9400 raste infeksioni dhe 182 vdekje.

Sipas të dhënave zyrtare të lëshuara nga Ministria e Shëndetësisë në Spanjë, numri i njerëzve të prekur nga pandemia në vend është rritur në 778,607, kurse ai i vdekjeve në 31,973.Incidenca e virusit në mesin e popullatës spanjolle në dy javët e fundit është 274 raste të Covid-19 për 100,000 banorë.


Lajmi kryesor:

Në Itali 2499 raste të reja dhe 23 viktima! Shqetësuese shifrat e pandemisë në Spanjë, Gjermani dhe Mbretërinë dhe Bashkuar


  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ministria e Jashtme dorëzon në GJND deklaratën mbi ndryshimet klimatike

Ministria e Jashtme dorëzon në GJND deklaratën mbi ndryshimet klimatike