POP 5

Lajmet më të lexuara të 5 minutave të fundit

Ekonomi

COVID-19 'godet' turizmin më Lezhë! Anulohen mijëra rezervime, biznesi në vështirësi financiare

Qindra rezervime për muajt mars dhe prill u anuluan, ndërsa edhe prenotimet e sezonit të verës janë të pasigurta. Situata e krijuar nga pandemia COVID-19 po godet turizmin në rajonin e Lezhës. Operatorët turistik në Shëngjin thonë se nëse kufijtë nuk do hapen sezoni turistik do të jetë i dështuar. Ndërkohë Sipërmarrësi Altin Prenga thotë se i janë anuluar 20 mijë prenotime.

Qindra rezervime për muajt mars dhe prill u anuluan, ndërsa edhe prenotimet e sezonit të verës janë të pasigurta. Situata e krijuar nga pandemia COVID-19 po godet rëndë turizmin në rajonin e Lezhës. Operatorët turistik në Shëngjin thonë se një pjesë e konsiderueshme e pushuesve janë shtetas të huaj e nëse kufijtë nuk do hapen sezoni turistik do të jetë i dështuar.

"Grupet e huaja që i kemi me kontrata që janë për Qershorin, Korrikun dhe Gushtin na kanë sjellë një dokument që do marrim një vendim në fund të Majit. Por duhet të shihet pjesa e kufijve se nëse janë të bllokuar për ne ky sezon do të jetë një dështim", tha Bledar Shima Menaxher resorti Shëngjin

Situatë e ngjashme paraqitet edhe në sektorin e agroturizmit i cili ka njohur zhvillim të jashtëzakonshëm gjatë viteve të fundit. Sipërmarrësi Altin Prenga thotë se i janë anuluar 20 mijë prenotime.

"Nga ana turistike ka ndikim negariv, rreth 40% e turistëve do të mungojnë. Gati 20 mijë prenotime gjatë gjithë verës janë anuluar", tha Altin Prenga Sipërmarrës Agroturizmi

Gjendja e krijuar po sjell vështirësi financiare tek bizneset e këtij sektori. Ata kërkojnë mbështetjen e qeverisë për pagesen e punonjësve që kanë ngelur pa punë.

"Pritet granti i dytë i qeverisë, për lehtësimin për tre paga për ata që janë" tha Bledar Shima Menaxher resorti Shëngjinaf

'Paketa e qeverisë nuk duhet të jetë ndihmë ndaj biznesit, por duhet të jetë shumë e thjeshtë, unë kam paguar sigurimet dhe në momentin që punëtorët janë në shtëpi t'i jepet asistenca e papunësisë nga qeveria, kurse ata që janë në punë i paguaj vetë", tha Altin PRENGA Sipërmarrës Agroturizmi

Sipas statistikave në kohë normale rajoni i Lezhës vizitohet gjatë gjithë vitit vizitohet nga 800 mijë vizitorë vendas dhe të huaj. Por këtë vit prishtshmëritë janë shumë herë më të uleta, e kjo pritet të japë efekt mjaft negativ për biznesin vendas, si dhe në ekonominë familjare që prisnin sezonin turistik për tu punësuar.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Amos bar long: 20/04/2020 19:08

    Ka lek boll ky mrizit i pagun e nuk e gjen gja

    Përgjigju
    • kard: 20/04/2020 20:14

      Ti thrrasin menjes kto biznesmenet tane, se deri vjet benin pordh me shqipetaret, donin te huaj e me euro. Keq per puntoret pa per kta fare, qe kan zaptuar e korruptuar plazhet e pushtetaret kriminele.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46