POP 5

Lajmet më të lexuara të 5 minutave të fundit

Kultura

COVID-19 kthen leximin virtual në Lezhë! Krijohet biblioteka virtuale

Në Lezhë është krijuar biblioteka virtuale, ku janë vendosur online botimet e autorëve të ndryshëm. Kjo nisem është ndërmarrë nga klubi letrar "Ndoc Gjetja" në Bashkëpunim me Bashkinë Lezhë, ndërsa interesi i lexuesve ka qenë maksimal. Kjo për shkak se pas masave ndaj koronavirusi biblioteka "Gjergj Fishta" në Lezhë mbylli dyert për lexuesit.

Me vënien në zbatim të masave shtrënguese të qeverisë për mospërhapjen e koronavirusit, biblioteka "Gjergj Fishta" në Lezhë mbylli dyert për lexuesit, por pavarësisht kësaj të lexuesve nuk po iu mungojnë librat në këtë periudhe karantine. Prej disa ditësh është krijuar biblioteka virtuale, ku janë vendosur online botimet e autorëve të ndryshëm. Kjo nisem është ndërmarrë nga klubi letrar "Ndoc Gjetja" në Bashkëpunim me Bashkinë Lezhë, ndërsa interesi i lexuesve ka qenë maksimal.

"Aktualisht janë 16 tituj të botuar online, Librat janë në harkun kohor të disa viteve dhe vështirësia më e madhe ishte për të siguruar Host-in dhe kjo u bë në bashkëpunim me Bashkinë Lezhë dhe librat janë postuar në faqen e internetit të Bashkisë Lezhë që qytetarët t'i lexojnë gjatë kohës që qëndrojnë në shtëpi", tha Hekuran Koka, i Klubit Letrar "Ndoc Gjetja".

Përgjegjësi i bibliotekës "Gjergj Fishta", Frano Kulli thotë se kjo mënyre të vepruarit mbush një boshllëk për lexuesit në këto periudhe të vështira që po kalojmë të gjithë.

"Është një nisëm për t'u përgëzuar dhe ka mbushur një boshllëk të madh pasi nevoja për lexim është edhe më e theksuar në kushtet e izolimit",  tha Frano Kulli  Përgjegjës i bibliotekës "Gjergj Fishta" Lezhë.

Biblioteka virtuale ne Lezhë është krijuar për të qenë ne shërbim te lexuesve dhe do të vijojë të jetë aktive, deri në tejkalimin e gjendjes së jashtëzakonshme të krijuar nga COVID-19. Në këtë periudhe karantine leximi shihet si një mënyre e mirë për të larguar edhe stresin që mund të krijohet nga qëndrimi i gjatë në ambiente të mbyllura. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Zbardhet vrasja e Eduart Reçit! Arrestohet autori i ekzekutimit me plumb në kokë të biznesmenit të ndërtimit! Motivi? Konflikte pronësie

Zbardhet vrasja e Eduart Reçit! Arrestohet autori i ekzekutimit me plumb në kokë të biznesmenit të ndërtimit! Motivi? Konflikte pronësie

24 Nëntor, 15:07 nga Sokol Dema