COVID-19, mbërrijnë në Kosovë 4,680 dozat e para të vaksinës Pfizer

Kanë mbërritur sot në Kosovë 4,680 dozat e para të vaksinës së Pfizer kundër COVID, pjesë e kontingjentit të 95 mijë vaksinave të kësaj kompanie që Bashkimi Evropian dhe Austria kanë deklaruar se do të sjellin në Kosovë.

Lajmin e ka bërë të ditur Ambasada e Austrisë në Kosovë përmes një njoftimi për media.

 “Ambasada Austriake në Prishtinë është shumë e gëzuar, që sot ka arritur në Prishtinë sasia e parë e 95.000 dozave të vaksinës BionTech/Pfizer, të cilat janë financuar nga Bashkimi Evropian, dhe janë siguruar nga Austria. Me 4.680 dozat që kanë arrit sot ka filluar furnizimi i Kosovës me vaksinat, të cilat do shpërndahen deri në fund të gushtit. Kjo do kontribuoj në përgatitjen e planit të vaksinimit, duke vaksinuar fillimisht personelin shëndetësor në front të parë si dhe grupet e rrezikuara”, shkruhet në njoftim.

LEXO EDHE:
'Dinari' Lajçak takon këtë javë kryenegociatorët: Të vijnë mendjehapur e me zgjidhje

Ketë kontingjent  e kanë pritur ministri i Shëndetësisë Arben Vitia dhe ambasadori i Austrisë në Kosovë.

Furnizimi i Kosovës me 95,000 vaksina BioNTech/Pfizer është pjesë e një përpjekjeje të përbashkët të BE dhe Austrisë për të siguruar 651,000 doza BioNTech/Pfizer për Ballkanin Perëndimor.

TAG:
• kosova
• kosova
• kosova
• kosova
• COVID-19
• Pfizer
• Vaksina Covid