Vijimi i biznesit online është një nga zgjidhjet që ka bërë një kategori biznesesh, në këtë kohë kur shumica e aktiviteteve ekonomike fizike është pezulluar si pasojë e masave të marra kundër përhapjes së COVID-19. Nga 361 kompani të bëra pjesë e anketës së Këshillit të Investimeve, 81% e bizneseve janë përgjigjur se kanë përdorur shërbimet online.
Ndërkohë të pyetur nëse në të ardhmen mund t’i ndryshojnë planet e investimit duke u përqendruar më së shumti online, rreth 42% e tyre janë përgjigjur pozitivisht, dhe kryesisht sektori i shërbimeve. Pranvera Rrapushi drejtuese e një kompanie e shitjeve online, thotë se kjo periudhë e ka ndihmuar këtë mënyrë të bërit biznes duke e zhvilluar më tej, ndërkohë që shqetësim madhor sipas saj mbetet informaliteti që po ashtu është rritur.
“Në fakt biznesi online vitet e fundit ka pasur goxha zhvillim dhe aq më tepër në këto ditë karantine kur dyqanet fizike janë të mbyllura, kur qytetarët janë të detyruar që të qëndrojnë në shtëpi kështu që në këto kushte është zhvilluar edhe më tepër duke u rritur me hapa shumë të mëdhaja. Nga ana tjetër siç po zhvillohet me hapa të mëdha kemi edhe këto faqet informale që kanë dalë si kërpudha pas shiut dhe po zhvillohen me hapa të mëdhaja edhe ato. Sigurisht që na dëmtojnë sepse ka një informalitet shumë të theksuar dhe nuk janë të deklaruar në aktivitetet që ato bëjnë”, shprehet Rrapushi.
Nga ana tjetër kjo mënyrë e të bërit biznese iu jep mundësinë kompanive të ri-dimensionojnë edhe aktivitetin e tyre. Pra nëse një kompani përpara së të përhapej pandemia ishte i fokusuar tek shitja e veshjeve, tashmë biznesi po shkon drejt kërkesës konsumatore, që mund të jetë edhe për ushqim. Ky ndryshim ka ndodhur edhe në kompaninë që drejton Pranvera Rrapushi.
“Faktikisht kjo ishte një situatë e papritur për të gjithë ne. ne fillimisht ishim të orientuar tek kategoria e veshjeve por si pasojë e krizës që ndodhni ne duhet të shikonim se çfarë do të sillnim inovacion në mënyrë që të zhvillonim akoma më tej aktivitetin. Ka pasur kërkesa përsa i përket produkteve “Healthy” që do të thotë që nga çajërat, produktet Bio, janë zhvilluar edhe fermat që të mos ta s’postojnë prodhimtarinë por t’ja çojnë konsumatorit në shtëpinë e tyre”, shpjegon ajo.
Po ashtu Rrapushi thotë se në përgjigje të kërkesës së klientëve, ata lidhën marrëveshje me depot farmaceutike, për shitjen e maskave. Por paralelisht me tregtinë formale kjo periudhë është shfrytëzuar edhe nga biznese informale. Në fund të muajit mars ishte EUROPOL dhe INTERPOL që zbuloi dhe ndaloi një tentativë për të mashtruar autoritetet gjermane shëndetësore duke iu shitur atyre miliona euro maska jo-ekzistuese në mesin e pandemisë së koronavirusit.
Agjencia Evropiane për zbatimin e ligjit njoftoi se dy kompani ishin kontraktuar nga qeveria gjermane muajin e kaluar për të blerë maska mjekësore në vlerë prej 15 milionë euro. Po ashtu edhe në vendin tonë Autoriteti i Konkurrencës zhvilloi një kontroll në rrjetin e tregtimit me shumicë dhe pakicë importues, depo farmaceutike dhe farmaci) të materialeve paramjekësore, pasi kishte abuzime të mëdha me çmimet.
Lajme të tjera
-
DYSHIMI/ Gazmend Bardhi gënjeu publikisht në Kuvend për bisedat SKY ECC! Lexon pjesë sikur janë të vitit 2023, por EUROPOL thotë se operacioni u bë më 2021
12 Shtator, 13:38 -
EUROPOL: Personi i arrestuar në Kosovë për para të falsifikuara, punonjës i MPB-së maqedonase
6 Gusht, 13:48 -
EUROPOL paralajmëron rritje të krimit të organizuar: Tregtia e drogës po nxit dhunën, situata është dramatike
20 Korrik, 17:07 -
Lufta kundër krimit, Shqipëria kërkon përdorimin e bazave të të dhënave dhe mjeteve të ofruara nga INTERPOL, Balla takon presidentin Ahmed Naser Al-Raisi
13 Qershor, 12:28 -
Policia e Shtetit dhe Europol bien dakord për rritjen e bashkëpunimit dhe shkëmbimeve, në kuadër të përballjes me krimin e organizuar
12 Qershor, 18:59 -
EUROPOL megaoperacion në 6 shtete, ‘luftë’ grupeve shqiptare të kokainës dhe heroinës, 17 të arrestuar
8 Qershor, 21:40 -
Raporti i Europol: Shqiptari kujdesej për importin e kokainës nga Kolumbia në BE! Droga kamuflohej në kompaninë e bananeve
5 Prill, 16:30 -
Europol: 821 banda kriminale kërcënojnë BE! Shqiptarët te pesë rrjetet kryesore të kokainës! 'Koka' të trafikut deri në Amerikën Latine
5 Prill, 15:22
-
'Hakeruam hakerat!' Lockbit, grupi rus më i rrezikshëm në botë në duart e FBI-së e agjentëve të krimit! Fitoi 120 milionë dollarë
21 Shkurt, 12:24 -
VIDEO+FOTO/ Goditet rrjeti që furnizonte me kokainë Evropën! Trafiku i drogës nga Kolumbia në Ekuador e më pas BE bëhej nga shqiptari Dritan Gjika
16 Shkurt, 11:41 -
VIDEO/ Operacion ndërkombëtar antidrogë në disa shtete, mes të arrestuarve 65 shqiptarë! Në Shqipëri sekuestrohen 5 mln euro pasuri (EMRAT)
5 Shkurt, 12:57 -
Hagë/ Balla takim me Drejtoreshën Ekzekutive të Europol: Do bashkëpunojmë në luftën kundër krimit të organizuar dhe procesin e vetë-pastrimit të Policisë së Shtetit
24 Janar, 14:00
