Italia 282 viktima pa regjistruar nga prilli, rritet numri i të shëruarve

Ditën e sotme janë raportuar 474 viktima në 24 orët e fundit në Itali, duke lënë të kuptohet një rritje e numrit të viktima më 2 maj në një kohë që trend i tyre vijonte në rënie. Në fakt duhet të theksohet se për 24 orët e fundit në Itali janë shënuar vetëm 192 viktima gjithsej duke vërtetuar se numri i tyre është në rënie, por këtij numri iu shtuan edhe 282 viktima që në fakt kanë humbur jetën gjatë muajit prill dhe kanë qenë vdekje jashtë spitalore që nuk kanë mundur dot të regjistrohen me herët.

La Republlica sqaron se kjo është një shifër e shtrembëruar nga komunikimi i 282 vdekjeve jashtë spitalore që kanë ndodhur në prill dhe janë regjistruar vetëm sot. Shifra e vërtetë e 24 orëve të fundit është zvogëluar krahasuar me një ditë më parë duke shënuar për herë të parë pas 14 marsit nën 200, ekzaktësisht 192 viktima.

Prandaj të gjithë treguesit vazhdojnë të lëvizin në drejtim të zvogëlimit të infeksionit me ulje të të infektuarve, ulje të numrit të viktimave, ulje të shtruarve në spital dhe rritja e numrit të të shëruarve.

Gjatë 24 orëve të fundit numri i përgjithshëm i të të shëruarve në Itali është rritur në 79.914  teksa vetëm sot u regjistruan 1665  të shëruar nga koronavirusi.

Autoritetet raportuan gjithashtu se sot u regjistruan edhe 1900  raste të reja pozitiv me Covid-19.

Lajmi kryesor:

Italia 282 viktima pa regjistruar nga prilli, rritet numri i të shëruarve! Dritë jeshile për përdorimin e ilaçit remdesivir

//Shqiptarja.com

TAG:
• SHBA
• Kina
• koronavirusi
• covid