TIRANË- Ministria e Shëndetësisë bën bilancin e COIVID-19. Nga 3342 testime të kryera kanë rezultuar pozitivë 360 persona ndërkohë që fatkeqësisht 6 qytetarë kanë humbur jetën.
Në 24 orët e fundit janë shëruar 534 persona, duke e çuar numrin e të shëruarve në 97,206 që nga fillimi i epidemisë. Aktualisht në spitalet COVID në Tiranë dhe tre spitalet rajonale po trajtohen 227 pacientë, 13 në terapi intensive, nga të cilët 5 pacientë janë të intubuar.
Personat që e kanë humbur jetën janë të mosha 68 - 83 vjeç dhe bëhet fjalë për 2 qytetarë nga Durrësi, 1 qytetar nga Tirana, 1 qytetar nga Kruja, 1 qytetar nga Elbasani, 1 qytetar nga Shkodra. Gruaja që ka humbur jetën nga Shkodra është gazetarja Anila Dushi u shua në moshën 54-vjeçare.
Rastet pozitive të konfirmuara janë identifikuar në këto bashki: 64 raste në Tiranë, 40 raste në Korçë, 34 raste në Fier, 20 raste në Elbasan, 17 raste në Krujë, 16 raste në Durrës, Vlorë, 12 raste në Lushnje, Gjirokastër, 11 raste në Berat, Skrapar, 10 raste në Kavajë, Librazhd, 7 raste në Shkodër, Ura Vajgurore, 6 raste në Malësi e Madhe, Peqin, 5 raste në Pogradec, Sarandë, Dibër, 4 raste në Devoll, Kukës, Has, Patos, 3 raste në Mirditë, Tropojë, Delvinë, Dropull, 2 raste në Krubin, Lezhë, Selenicë, Libohovë, 1 rast në Pukë, Mallakastër, Kamëz, Vau i Dejës, Divjakë, Roskovec, Gramsh, Finiq, Cërrik, Poliçan.
Statistika (10 Prill 2021)
Raste të reja ditore 360
Të shëruar në 24 orë 534
Të shtruar në spitale 227
Humbje jete në 24 orë 6
Testime ditore 3342
Testime totale 586,923
Raste pozitive 128,155
Raste të shëruara 97,206
Raste Aktive 28,639
Humbje jete 2,310
Shpërndarja gjeografike e rasteve aktive sipas qarqeve:
Tiranë 20157
Fier 2509
Durrës 1208
Gjirokastër 1197
Shkodër 1010
Korçë 730
Vlorë 691
Kukës 342
Dibër 346
Elbasan 248
Berat 100
Lezhë 101
Koronavirusi ka marrë një tjetër jetë nga radhët e “bluzave të bardha”. Mjeku psikiatër i spitalit të Krujës, Përparim Pengili mësohet se është ndarë nga jeta ditën e sotme për shkak se Covid-19.
Mjeku ka humbur jetën në moshën 72-vjeçare, ndërsa mësohet se ai prej ditësh ishte i shtruar në spitalin Infektiv në gjendje të rëndë.
Deri në shkurt ai ishte në krye të detyrës në spitalin ‘’Stefan Gjoni’’ në Krujë.
“Kam besuar që në fillim se covid 19 është një luftë botërore. Kam dëgjuar mjaftë nga ata qe e kanë kaluar. Por qenka tmerr”. Askush nuk do ta besonte se ky shënim i fundit në rrjetet sociale i gazetares shkodrane, Anila Dushi, nga shtrati ku iu dorëzua virusit Covid 19 në spitalin rajonal të Shkodrës, do të ishte një shënim lamtumire, për të gjithë miqtë, kolegët dhe familjarët e saj.
Lajmin e trishtë e bën të ditur mëngjesin e sotëm kolegët e Dushit, jo vetëm në Shkodër, por anë e mbanë vendit. Pasi bashkëpunimet që kishte krijuar Anila Dushi me ta, kapërcenin raportet mes kolegëve, duke u cilësuar prej tyre, një mike e mirë dhe e kudogjendur, për këdo që pati fatin ta njoh.
Në “ReportTV” për herë të fundit do të rrëfente magjinë e roleve të artistes Pavlina Mani, për të cilën kishte botuar një monografi për të.
Anila Dushi u shua në moshën 54-vjeçare. Kreu Institutin e Lartë Pedagogjik në Shkodër për mësuesi në vitin 1988. Studimet pasuniversitare i mbaroi për Shkenca Komunikimi. Prej 20 vitesh ka punuar si gazetare, në mediat e shkruara, ku 18 vite në gazetën “Shekulli”, “Spekter” edhe “Unipress”. Përveç medieve të shkruara ka punuar edhe në ato audiovizive, si në radion kombëtare “plus 2”, AiTV dhe Star Plus. Në vitin 2016 nisi të bashkëpunojë me Birn Albania dhe reporter.al. Në vitin 2916 u vlerësua me çmimin “Hamit Boriçi”. Për 5 vite ka qenë asistent pedagoge me kohë të pjesshme pranë Universitetit të Shkodrës në degën e Gazetarisë dhe të Komunikimit. Është autore e disa shkrimeve shkencore në fushën e komunikimin. Në vitin 1998 ka botuar gazetën “Pjacë”.
Një ditë më parë Ministria e Shëndetësisë raportoi për 286 raste të reja dhe 7 humbje jete nga COVID. Në bilancin e saj ministria e Shëndetësisë raporton se viktimat janë të moshave 54 - 71 vjeç.
Gazetarja Anila Dushi
Komente
Lajme të tjera
-
2-vjeçari me tumor 10 ditë pa kimio se nuk kishte ilaç në QSUT, Ministria e Shëndetësisë e gjen pas presionit mediatik! Burime: ‘Actinomycin D’ mungonte në treg prej 2006
25 Dhjetor, 15:47 -
Denoncimi/ 2-vjeçari me tumor në bark nuk nis dot kimioterapinë, mungon medikamenti ‘Actinomycin D’ në QSUT
24 Dhjetor, 16:04 -
Koçiu: Rreth 55 mijë shërbime në banesë për të moshuarit dhe të sëmurët kronikë që nga Janari
13 Dhjetor, 16:59 -
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
-
Minimumi jetik, ministrja Koçiu tregon pse u rrëzua amendamenti i PD-së: Duhet dakordësi për mënyrën si do të matet
4 Dhjetor, 15:30 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Vaksinat kundër kancerit të qafës së mitrës te vajzat, Koçiu: Janë aplikuar mbi 9,344 doza te moshat 13-20 vjeçe
23 Nëntor, 15:17 -
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Koçiu: Shërbim dentar falas edhe të shtunën e parë të çdo muaji për të moshuarit
26 Tetor, 15:52
Titulli sikur nuk korrespondon me brendesine e lajmit.. apo c’e deshe..
Përgjigju